Alaksandr Łukašenka čakaje ad IT-supolnaści prapanoŭ pa dalejšym raźvićci hetaj śfiery. Pra heta jon zajaviŭ siońnia ŭ čas naviedvańnia Parku vysokich technałohij, paviedamlaje BiełTA
«Mnie vielmi važna syści adsiul ź niejkim vašym daručeńniem, jakoje prasunie nas napierad», - skazaŭ biełaruski kiraŭnik.
Kiraŭnik dziaržavy padkreśliŭ, što, niahledziačy na słovy padziaki za pryniatyja rašeńni pa raźvićci hetaj śfiery, u tym liku pryniaćcie dekreta №8, šmat u čym heta zasłuha samich ajcišnikaŭ: «Dekret — nie stolki ja, kolki vy. My ŭ svoj čas ryzyknuli i pačali stvarać hety Park. Tady byŭ bolš hieraičny krok, čym toj dekret, pra jaki vy siońnia havaryli».
«Chacieŭ by, kab vy ŭ svabodnym režymie skazali, što treba dla taho, kab vy jak minimum ruchalisia tymi ž tempami, što i apošnija dva hady. Ja hatovy vysłuchać vašy prapanovy, kali jany jość. A kali vy ich nie sfarmulavali na siońnia, viedajcie, što ja vas zaŭsiody pačuju maksimum na praciahu sutak», - adznačyŭ jon.
Kamientary