Źjaviłasia pietycyja z prapanovaj davać premii nastaŭnikam, jakija vykładajuć pa-biełarusku
Pietycyja «U padtrymku biełaruskaj movy» źjaviłasia na sajcie «Zručny horad». Jaje składalniki pišuć, što, pa ich nazirańniach, «majucca prykmiety stałaha parušeńnia pravoŭ biełaruskamoŭnaha nasielnictva i dyskryminacyi biełaruskaj movy».
«U pryvatnaści, u haradach mała biełaruskamoŭnych šyldaŭ (u tym liku na vakzałach), isnujuć pieraškody dla biełaruskamoŭnaj adukacyi na ŭsich uzroŭniach, niama patrabavańnia da čynoŭnikaŭ roŭnaha vałodańnia movami, adsutničaje praktyka spravavodstva na biełaruskaj movie, sudy iduć pa-rusku, adsutničaje ŭvieś korpus zakanadaŭstva na biełaruskaj movie», — skazana ŭ pietycyi.
Uspomnili tam i pra zajavu Alaksandra Łukašenka padčas pasłańnia da naroda i parłamienta ab tym, što treba źniać znak «Vykonvaj chutkasny režym».
Inicyjatyŭnyja hramadzianie patrabujuć viarnuć na darohi darožny znak «Vykonvaj chutkasny režym» pa-biełarusku i ŭ dalejšym prytrymlivacca afarmleńnia znakaŭ na biełaruskaj movie.
A taksama zaachvočvać da vyvučeńnia i vykładańnia na biełaruskaj movie vychavacielej, nastaŭnikaŭ i vykładčykaŭ admysłovymi premijami, stvaryć biełaruskamoŭnuju dziaržaŭnuju vyšejšuju navučalnuju ŭstanovu i padtrymać inšyja padobnyja pryvatnyja inicyjatyvy.
Pakul pietycyju padpisali kala 300 čałaviek.
-
Prapahandysty pakazali mocna schudniełaha Vasila Vieramiejčyka
-
Stała viadoma, chto atrymaŭ žyllo ŭ «sakretnym» domie pad Drazdami. Siarod ich — siłavik, jaki «vyznačyŭsia» ŭ 2020 hodzie
-
Daktary z Ukrainy i Biełarusi ź ciažkaściu zdajuć polski miedycynski ekzamien. Praŭda, palaki z zamiežnym dypłomam spraŭlajucca nie lepš
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary