Premjer-ministr Dźmitryj Miadźviedzieŭ, jaki ŭ paniadziełak adpraŭlajecca ŭ Jerevan na pasiadžeńnie Jeŭrazijskaj mižuradavaha savieta, praviadzie asobnuju sustreču z kiraŭnikom urada Biełarusi Siarhiejem Rumasam. Pra heta paviedamili žurnalistam u pres-słužbie rasijskaha Kabinieta ministraŭ, piša TASS.
«Na palach pasiadžeńnia Jeŭrazijskaha mižuradavaha savieta Miadźviedzieŭ praviadzie šerah dvuchbakovych sustreč, u pryvatnaści z premjer-ministram Armienii Nikołam Pašynianam i premjer-ministram Biełarusi Siarhiejem Rumasam», - skazali ŭ pres-słužbie.
«Padčas razmovaŭ miarkujecca abmierkavańnie aktualnych pytańniaŭ dvuchbakovaha handlova-ekanamičnaha supracoŭnictva i intehracyjnaha ŭzajemadziejańnia ŭ ramkach Jeŭrazijskaha ekanamičnaha sajuza», — dadali ŭ Kabiniecie.
U pres-słužbie ŭrada nie ŭdakładnili, jakija mienavita pytańni premjery płanujuć abmierkavać. Razam z tym, adnym z vostrych pytańniaŭ u rasijska-biełaruskich adnosinach u apošnija dni stali pastaŭki rasijskaj nafty drennaj jakaści pa ŭčastku mahistralnaha naftapravoda AAT «Homieltransnafta Družba».
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary