Prarasijski telehram-kanał prydumaŭ, što KDB aryštavaŭ jaho aŭtaraŭ. U fejk nichto nie pavieryŭ
Na minułym tydni ŭ telehramie, to tut, to tam stali praślizhvać paviedamleńni, što byli zatrymanyja aŭtary adnaho z prarasijskich telehram-kanałaŭ, jaki pracuje na biełaruskuju aŭdytoryju. My nie budziem nazyvać hety telehram-kanał, bo aŭtary jakraz i chacieli rekłamy, ale ŭ vyniku ničoha nie atrymali.
Sami pra siabie hetyja aŭtary kaliści napisali, što adzin ź ich pracuje vykładčykam, a druhi — dziaržaŭnym słužačym. Nasamreč usio heta moža być fejkam.
U niezaležnyja ŚMI zakidvałasia infarmacyja, što supracoŭniki KDB aryštavali aŭtaraŭ telehram-kanała. Maŭlaŭ, im pahražaje da 5 hadoŭ źniavoleńnia. Praŭda, ni imionaŭ, ni proźviščaŭ nie nazyvałasia, jak i artykuł KK pa jakim ich nibyta zatrymali.
U vyniku infarmacyju pra imavierny «aryšt» nie daŭ nivodzin bujny biełaruski ŚMI. A praz tydzień ažyŭ i sam telehram-kanał. Aŭtary (ci aŭtar?) patłumačyli, što ŭ dziaržaŭnyja ŭstanovy prychodziać siłaviki ŭ cyvilnym, jakija ładziać abłavu na hadžety. I nibyta ŭ takuju abłavu trapiŭ adzin ź infarmataraŭ kanała, tamu peŭny čas jany zamaŭčali.
Tłumačeńnie, miakka kažučy, nie vyhladaje praŭdapadobnym. Chutčej, heta była sproba nabrać sabie novych padpisantaŭ dziakujučy pijaru z «aryštam». U vyniku ideja całkam pravaliłasia. Na fejk nichto nie pavioŭsia.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary