29 lipienia ŭ Homieli zatrymali dziaŭčynu, jakaja hastralavała pa terytoryi vobłaści i pradstaŭlałasia supracoŭnicaj centra hihijeny i epidemijałohii, paviedamlaje pres-słužba UUS Homielskaha abłvykankama.
Apieratyŭniki kryminalnaha vyšuku Savieckaha RAUS Homiela zatrymali niepracujučuju 29-hadovuju žycharku Barysaŭskaha rajona Minskaj vobłaści.
Jana padazrajecca ŭ tym, što, pradstaŭlajučysia supracoŭnicaj centra hihijeny i epidemijałohii, pad vyhladam pravierki handlovych ustanoŭ, zavałodała hrašyma, jakija vypłačvali rabotniki kram u jakaści štrafu za vyjaŭlenyja «parušeńni».
U pryvatnaści, 26 lipienia jana a 15.13 zajšła ŭ kramu «Tavary dla doma» u vioscy Zaleśsie Čačerskaha rajona. Pradstaviŭšysia rabotnikam abłasnoha centra hihijeny i epidemijałohii i «pravieryŭšy» handlovy abjekt, pakazała na «parušeńni». Suma «štrafu» skłała 45 rubloŭ. Rabotnik kramy pieradała hrošy nieviadomaj, i taja vyjšła z handlovaha pamiaškańnia, ale pry hetym trapiła ŭ abjektyŭ kamiery videanazirańnia.
Ciapier zatrymanuju praviarajuć na dačynieńnie da anałahičnych ašukanskich dziejańniaŭ na terytoryi vobłaści.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary