Pamior Andrej Vaškievič. «Hady čatyry kožny numar «Našaha słova» byŭ składzieny rukami jaho i jahonaj mamy»
Na 49-m hodzie žyćcia pamior były supracoŭnik haziet «Kultura», «Imia», «BDH», «Narodnaja Vola» Andrej Vaškievič.
Voś što ŭspaminaje pra jaho paet Viktar Šnip: «My ź im byli znajomymi z pačatku 90-ch. Ja tady pracavaŭ adkaznym sakratarom haziety «Naša słova». Nakład dasiahaŭ da dziesiaci tysiač. Hazieta vychodziła na vaśmi staronkach. Drukavałasia ŭ «Čyrvonaj zorcy», a tam nie było prystasavańnia, kab čatyry siarednija staronki vydańnia ŭkładvalisia ŭ siaredzinu haziety. Treba było ŭkładać rukami. Pasprabavali rabić heta ŭsioj redakcyjaj. Zrabili raz-druhi i, ubačyŭšy, što z-za hetaha zastajecca mała času samu hazietu rychtavać da druku, pačali šukać achvočych padpracavać pa damovie. Daŭhavata šukali i zdavałasia, što nikoli nikoha nie znojdziem. A tut niejak, idučy z drukarni, sustreŭ Andreja Vaškieviča. Jamu było za dvaccać. Prapanavaŭ padpracavać. Andrej nie admoviŭsia, skazaŭšy, što adnamu budzie ciažkavata, a voś, kali jaho mama pahodzicca, to voźmiecca za pracu. Mama nie admoviłasia. I potym hady čatyry, a mo i bolej, kožny numar «Našaha słova» byŭ składzieny rukami Andreja Vaškieviča i jaho mamy».
Pryčynaju śmierci stała ankałohija.
Raźvitańnie adbudziecca 5 kastryčnika na Paŭnočnych mohiłkach u krematoryi a 13-aj hadzinie. Telefon: +375 29 228 28 26.
-
Paźniak prezientavaŭ knihu «Vilenščyna lubimaja i pryŭkrasnaja». Tam jość navat vieršy pa-francuzsku
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami14
Kamientary