Kienijec pieršym u historyi prabieh marafon mienš čym za dźvie hadziny
Kienijski biahun Eliud Kipčohie staŭ pieršym spartsmienam u historyi, što prabieh marafon mienš čym za dźvie hadziny.
Kipčohie ŭziaŭ udzieł u spabornictvach Ineos 01:59 Challenge, jakija prachodzili ŭ Vienie. Jamu ŭdałosia pieraadoleć dystancyju 42 kiłamietry 195 mietraŭ za adnu hadzinu 59 chvilin i 40 siekund.
Mižnarodnaja asacyjacyja lohkaatletyčnych fiederacyj (IAAF) admoviłasia zaličvać rekord kienijca, bo jon byŭ ustalavany nie na aficyjnych spabornictvach. Kipčohie byŭ adzinym udzielnikam spabornictvaŭ.
Aficyjny suśvietny rekord u marafonie taksama naležyć Kipčohie. U vieraśni 2018 hoda na Bierlinskim marafonie jon prabieh za dźvie hadziny adnu chvilinu i 39 siekund.
Kamientary