U Hrodnie aktyvisty ŭ sudzie zakleili sabie rot i praśpiavali himn BNR
24 studzienia ŭ Hrodzienskim abłasnym sudzie adbyłosia apošniaje sudovaje pasiedžańnie pa skarham aktyvistaŭ na rašeńni sudoŭ rajonaŭ horada. Rašeńnie suda Leninskaha rajona Hrodna abskardžvaŭ Siarhiej Vieramiejenka, jakomu prysudzili štraf u 10 bazavych vieličyń za akcyju za niezaležnaść Biełarusi, piša Hrodna.life.
Napačatku Siarhiej paprasiŭ dazvołu vieści pramuju videatranślacyju. Sudździa Mikałaj Račynski jaje zabaraniŭ. Tady Siarhiej zajaviŭ advod sudździ. Mikałaj Račynski nie zadavoliŭ advod.
Padčas pierapynku aktyvisty Mikałaj Salanik i Valeryj Kulajeŭ, jakija pryjšli padtrymać Vieramiejenku, u znak pratestu zakleili sabie raty skotčam.
Sudździa začytaŭ skarhu. Jak i inšych aktyvistaŭ, Siarhieja asudzili pa art.23.34 KoAP — Parušeńnie paradku arhanizacyi abo praviadzieńnia masavych mierapryjemstvaŭ. Jaho vinavacili ŭ tym, što 15 śniežnia jon znachodziŭsia na akcyi za niezaležnaść Biełarusi i publična vykazvaŭ svaje adnosiny da intehracyi Biełarusi i Rasii.
Siarhiej nastojvaŭ, što dziejničaŭ u miežach art.57 Kanstytucyi, i baranić niezaležnaść krainy — jaho śviaty abaviazak. U vyniku sudździa pakinuŭ rašeńnie suda Leninskaha rajona bieź źmienaŭ. Padčas abviaščeńnia vyniku aktyvisty pačali śpiavać «My vyjdziem ščylnymi radami» i vyhuknuli «Žyvie Biełaruś!».
Hrodzienski abłasny sud nie zadavoliŭ skarhi piacioch aktyvistaŭ, jakich asudzili za akcyju suprać intehracyi Biełarusi i Rasii: Ježy Hryhienčy, Uładzimira Arcymana, Mikałaja Salanika, Vadzima Sarančukova i Siarhieja Vieramiejenki. Jany buduć źviartacca ŭ Kamitet pa pravach čałavieka. Taksama aktyvisty płanujuć napisać zajavy ŭ śledčy kamitet i prakuraturu, kab jany pravieryli pracu sudździaŭ.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary