U polskaj Hdyni vynieśli prysud biełarusu, jaki adkryŭ stralbu ŭ ofisie Reuters
Biełarusa Ściapana Śvidzierskaha ŭ Polščy asudzili na hod turmy z tryma hadami adterminoŭki. Taki prysud byŭ jamu vyniesieny 27 studzienia za niekalki strełaŭ, zroblenych u ofisie ahienctva Reuters u 2017 hodzie, pieradaje Jeŭraradyjo sa spasyłkaj na rmf24.pl.
Sud pryznaŭ Śvidzierskaha vinavatym u stvareńni niepasrednaj niebiaśpieki straty žyćcia i zdaroŭja. Pieršapačatkova jamu vystaŭlali abvinavačańnie ŭ zamachu na zabojstva.
Zdareńnie adbyłosia 14 listapada 2017 hoda. Pa słovach Śvidzierskaha, jon pryjšoŭ u kampaniju Thomson Reuters, dzie pracavaŭ analitykam. Chłopiec mieŭ pry sabie spartovuju zbroju, na jakuju ŭ jaho jość dazvoł. Śvidzierski zajaviŭ, što futarał ź jaho zbrojaj zachapiŭ čužy čałaviek i nie reahavaŭ na zaŭvahi. Tamu biełarus zrabiŭ papieradžalnyja streły.
«Maje pavodziny, maje kroki byli zroblenyja z metaj abarony zbroi, jakuju pavodle zakonaŭ ja pavinien mieć pry sabie. Ja ni na koha nie napadaŭ, nie pahražaŭ, ad samaha pačatku zdareńnia i da kanca ja prasiŭ vyklikać palicyju, kab skončyć hetaje zdareńnie», — kazaŭ Ściapan.
U sudzie 27 studzienia raspaviali, što futarałam biełarusa zacikaviŭsia achoŭnik ofisa. Pamiž im i Śvidzierskim pačałasia baraćba, i biełarus dva razy streliŭ. Padčas zdareńnia nichto nie paciarpieŭ.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?9
Kamientary