Mižnacyjanalny kanflikt kazachaŭ i dunhan u Kazachstanie: pahromy i 8 zabitych VIDEA
Kanflikt adbyŭsia ŭviečary 7 lutaha ŭ Žambyłskaj vobłaści Kazachstana, u siale Masančy. Spačatku źjaviłasia paviedamleńnie pra bojku pamiž siamiudziesiaćciu ludźmi. Ale pakolki sutyčka zdymałasia vidavočcami na mabilniki i vykładvałasia ŭ sacsietki, chutka da kanfliktu dałučylisia jašče 300 čałaviek — žychary susiednich siołaŭ, infarmuje Turantimes.kz.
Ministr unutranych spraŭ Kazachstana Jerłan Turhumbajeŭ paviedamiŭ pra 8 zahinułych i 40 paciarpiełych. Niekalki dziasiatkaŭ čałaviek atrymali ranieńni, u tym liku ahniastrelnyja.
Paškodžana bolš za 30 pryvatnych damoŭ, 15 handlovych punktaŭ i 23 aŭtamabili.
Ciapier situacyja stabilizavałasia i znachodzicca pad kantrolem palicyi i vajskoŭcaŭ. Dla rasśledavańnia kanfliktu stvorać mižviedamasnuju kamisiju. Jana musić znajści tych, chto zaklikaje da mižnacyjanalnaj varožaści i raspaŭsiudžvaje pravakacyjnyja čutki i dezinfarmacyju. U sacsietkach źjavilisia paviedamleńni, što kazachi napali na damy kitajamoŭnych musulman, jakija žyvuć u aule Masančy Dunhan. Aficyjna pra heta nie paviedamlajecca.
Siehodnia noċju na hranicie Kazachstana i Kirhizii było miesivo — kazachi napali na doma kitajejazyčnych musulman, v itohie 8 čiełoviek pohibli, jeŝio 40 postradali.
Po słovam priezidienta Kazachstana Tokajeva, situaciju połnosťju kontrolirujut policija i nachvardija — zadieržany 47 čiełoviek. pic.twitter.com/vTuHSxIbKx
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary