Dyrektarka sietki sekandaŭ: Lehpram u vartym žalu stanie, kali sekand — kankurent jamu
Dyrektar kancernu «Biellehprama» Taćciana Łuhina prapanavała prybrać mahaziny adzieńnia sekand-chend z abłasnych haradoŭ i centralnych vulic.
U haspadaroŭ sekand-chendaŭ hetaja zajava vyklikała tolki smutak.
Svaimi dumkami na hety kont z «Našaj Nivaj» padzialiłasia dyrektarka sietki kramaŭ «Ekanom-sici» Natalla Kuryk:
«Biellehpram» znachodzicca ŭ vartym žalu stanie, kali sekandy stali jamu kankurentami. Ja liču, što ŭ pakupnikoŭ pavinien być vybar. Nasić dyzajnierskaje adzieńnie, apranacca ŭ sekand-chendach ci ŭ «Biellehpramie» — vyrašać tolki spažyŭcu. Pa ŭsim śviecie pracujuć kramy sekand-chend i nikomu ŭ hałavu nie prychodziła prybrać takija kramy z haradoŭ.
Na maju dumku, «Biellehpram» lepš by zaniaŭsia svaimi prablemami. Ja pra heta havaryła i piatnaccać hadoŭ tamu, i dziesiać, i ciapier. Ničoha nie mianiajecca. «Biellehpram» vykarystoŭvaje vykrajki jašče 1960-ch hadoŭ, šyje z tannych sintetyčnych tkaninaŭ, a canu pry hetym stavić takuju, jakuju možna paraŭnać z dyzajnierskim adzieńniem. Prablemy ŭ samim «Biellehpramie», — upeŭnienaja Natalla Kuryk.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju6
Kamientary