Nastupnymi dniami ŭ Biełarusi pachaładaje.
U subotu nočču -2…+3°S, pry prajaśnieńniach da -4°S, maksimalnaja dniom 0…+6°S, pa paŭdniovym uschodzie Homielskaj vobłaści budzie na paru hradusaŭ ciaplej. Adnak z-za paryvistaha paŭnočnaha vietru dzionnaja tempieratura budzie adčuvacca jak -1…6°S, paviedamlaje Tut.by.
Prahnazujecca navat mokry śnieh, a na darohach hałalodzica.
U niadzielu, 22 sakavika, nočču -2…9°S, dniom -2…+4°S. Viecier budzie paŭnočna-zachodni mocny paryvisty, z-za čaho nadvorje stanie praniźliva chałodnym. Pa paŭdniovym uschodzie projdzie nievialiki karotkačasovy śnieh. Hałalodzica zachavajecca.
U pačatku nastupnaha tydnia atmaśfierny cisk jašče padraście i ŭładu nad nadvorjem Biełarusi pastupova voźmie chałodny antycykłon, jaki pieramiaščajecca z terytoryi Šviecyi na krainy Bałtyi.
23 sakavika, u paniadziełak, nočču -4…10°S, pa poŭnačy miescami da -12°S, dniom 0…+5°S. Taki tempieraturny fon akažacca na 2-4 hradusy nižejšym za klimatyčnuju normu.
Chałodny antycykłon budzie vyznačać nadvorje ŭ Biełarusi praktyčna ŭvieś nastupny tydzień. Zhodna z papiarednim prahnozam, u nastupnuju piatnicu arktyčnaje choład pakinie našu krainu.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary