«Udzielnikam parada trojčy ŭ dzień mierajuć tempieraturu» — jak Maskva rychtujecca da 9 Maja
Padrychtoŭka da paradu ŭ dzień 75-hodździa Pieramohi, jaki adbudziecca 9 maja, prachodzić u płanavym paradku, paviedamili rbc.ru ŭ Minabarony RF.
U viedamstvie adznačyli, što ŭvieś asabovy skład, jaki ŭdzielničaje ŭ paradzie, prajšoŭ pahłyblenaje miedycynskaje abśledavańnie na fonie raspaŭsiudžvańnia karanavirusa i dapuščany da ŭdziełu ŭ repietycyjach. Udzielnikaŭ parada časova raźmiaścili ŭ vajskovych častkach maskoŭskaha harnizona i navučalnych ustanoŭ Minabarony.
U pres-słužbie Minabarony raskazali, što siarod pryniatych vajennym viedamstvam mier pa baraćbie z karanavirusam — ustalavańnie bakterycydnych ultrafijaletavych lampaŭ i stvareńnie zapasu srodkaŭ dezynfiekcyi, miedykamientaŭ i srodkaŭ indyvidualnaj abarony ŭ miescach pražyvańnia ŭdzielnikaŭ parada.
Padčas padrychtoŭki da paradu vajskoŭcy buduć znachodzicca pad miedycynskim nahladam. Zaraz udzielnikam parada try razy na dzień vymierajuć tempieraturu.
Zamiežnyja vajskoŭcy, jakija paćvierdzili svoj udzieł u paradzie, projduć karancinnyja mierapryjemstvy ŭ svaich krainach.
12 sakavika pres-sakratar prezidenta Rasii Dźmitryj Piaskoŭ paviedamlaŭ, što ŭłady pakul nie płanujuć admianiać parad Pieramohi z-za karanavirusa abo abmiažoŭvać jaho farmat.
16 sakavika meryja Maskvy ŭviała zabaronu na praviadzieńnie lubych masavych mierapryjemstvaŭ, kali kolkaść ich udzielnikaŭ pieravyšaje 50 čałaviek. Hetyja abmiežavańni dziejničajuć da 10 krasavika.
Na śviatkavańnie 75-hodździa Pieramohi rasijskija ŭłady zaprasili ŭ Maskvu lideraŭ šerahu krain. Pra svaju zhodu pryjechać u Rasiju zajaŭlali prezident Francyi, premjer Indyi, prezident Manholii i inšyja lidary dziaržaŭ.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary