Niamieckija navukoŭcy zładziać kancert dla 4000 čałaviek, kab vyvučyć raspaŭsiudžvańnie karanavirusa
Meta ekśpierymientu — zrazumieć, jak arhanizoŭvać masavyja padziei z najmienšaj pahrozaj dla zdaroŭja ŭdzielnikaŭ.
Mierapryjemstva adbudziecca 22 žniŭnia na zakrytym stadyjonie ŭ Lejpcyhu, raźličanym na 12 tysiač hledačoŭ. Dla dobraachvotnikaŭ vystupić niamiecki pop-śpiavak Cim Biendzka, paviedamlaje The Guardian.
Pierad kancertam udzielnikam vydaduć maski i fluarescentnyja antysieptyki — pa śladach, jakija buduć śviacicca, navukoŭcy płanujuć vyznačać, što ludzi čapajuć čaściej za ŭsio. Akramia taho, kožny hość atrymaje śpiecyjalny branzalet, jaki fiksuje miescaznachodžańnie. Tak daśledčyki zrazumiejuć, jak mienavita ŭzajemadziejničajuć naviedvalniki masavaj padziei, nakolki blizka padychodziać adno da adnaho, u jakich miescach źbirajucca čaściej.
Trapić na kancert zmohuć tolki ludzi va ŭzroście ad 18 da 50 hadoŭ z admoŭnym testam na karanavirus, praviedzienym nie raniej čym za 48 hadzin da padziei. Usim zarehistravanym adpraviać nabor dla samastojnaha testavańnia. Pry hetym navukoŭcy adznačajuć, što nie mohuć harantavać poŭnuju biaśpieku padčas ekśpierymientu.
Na sajcie prajekta taksama skazana, što ŭ hety dzień płanujuć razyhrać try scenary. Na pieršym vystupie ŭsim dazvolać pavodzić siabie jak da pandemii. U druhim varyjancie — adkryjuć bolš uvachodaŭ na placoŭku i zabłakujuć kožnaje druhoje kresła na trybunach, kab ludzi znachodzilisia na adlehłaści. Na treci kancert puściać tolki 2 tysiačy hledačoŭ, abaviazaŭšy ŭsich vytrymlivać dystancyju paŭtara mietra.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary