Padapiečnyja Hlena Chenłana vyjhrali hety matč pa bulitach i validole dy ŭziali pieršyja bały na čempijanacie.
Na 73-m čempijanacie śvietu pa chakiei, što raspačaŭsia 24 krasavika ŭ Šviejcaryi, padapiečnyja Hlena Chenłana praviali druhi matč.
Siońnia my hulali sa Słavakijaj.
Paśla troch pieryjadaŭ lik u hulni matčy byŭ 1:1. Adkryŭ lik u matčy Andrej Staś ("Dynama" Minsk), zdaryłasia heta na34-j chvilinie matču. Za dźvie z pałovaj chviliny da kanca treciaha pieryjadu Marsieł Hossa ("Dynama" Ryha) lik zraŭniaŭ.
Oviertajm skončyŭsia biezvynikova.
A potym byli validolnyja bulity.
Lik adkryŭ Aleh Antonienka ("Dynama" Maskva), Štefan Ružyčka adrazu zraŭniaŭ.
Potym Michaił Hraboŭski ("Taronta") vielmi efiektna zakinuŭ, raźviarnuŭšysia na 180 hradusaŭ, šajbu. Ale jaje nie zaličyli. Sudździ ŭhledzieli parušeńnie ŭ vykanańni bulitu. Michaił padčas vykanańnia štrafnoha adkaciŭsia nazad, što zabaroniena praviłami.
Ni Ładzisłaŭ Nadź, ni Alaksiej Kalužny, ni Lubamir Bartečka, ni Štefan Ružyčka (znoŭ) svajoj mahčymaści nie realizavali.
A pieramožnuju kropku pastaviŭ Aleh Antonienka – 2:1.
Biełarusy atrymali dva bały (pieramoha pa bulitach), słavaki – adzin bał.
23:59
Uviečary zbornaja Kanady prosta źmiała zbornuju Vienhryi - 9:0.
Turnirnaje stanovišča:
Kanada – 6 bałaŭ, Słavakija – 4, Biełaruś – 2, Vienhryja – 0.
U aŭtorak, 28 krasavika, biełarusy zhulajuć sa zbornaj Vienhryi.
Pačatak matču ŭ 17:10. Uviečary aŭtorka projdzie hulnia Kanada – Słavakija.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary