Alaksandr Łukašenka u intervju ahienctvu Rejter paviedamiŭ ab płanach nastupnych zamiežnych vizitaŭ.
«Płanaŭ u mianie šmat, — skazaŭ biełaruski kiraŭnik. — Dla mianie treba pierš za ŭsio razabracca tut sa svaimi pajezdkami ŭ ramkach JeŭrAzES, ADKB i SND.
Ja dumaju, što ŭ Rasijskaj Fiederacyi ja ŭ najbližejšy čas budu. Ja dumaju, što na Blizkim Uschodzie u nas jość šerah momantaŭ. Dumaju, što ŭ Vieniesuełu mnie para b naviedacca. Jość pytańni, zastoparylisia niekatoryja spravy. Treba na miescy prymać rašeńni razam z Uha Čaviesam. U nas tam vielizarnyja prajekty».
A.Łukašenka nie vyklučyŭ, što, «moža być, u najbližejšy čas abaznačycca niejak zachodni viektar». «Kali buduć takija prapanovy i damoŭlenaści, ja, kaniešnie, z zadavalnieńniem budu pracavać u hetym kirunku», — skazaŭ jon.
Pavodle słoŭ A.Łukašenki, zadumy vielmi vialikija, adnak «unutranaja situacyja patrabuje, kab prezident znachodziŭsia ŭ Biełarusi, asabliva ekanomika». «My ŭ Biełarusi vielmi šmat pracujem ciapier, tamu ja nie starajusia nastojliva płanavać abo inicyjavać pajezdki. Nam treba tut zajmacca ciapier unutranaj abstanoŭkaj», — padkreśliŭ A.Łukašenka.
Intervju ahienctvu Rejter było zapisana 4 maja i pakazana pa Pieršym kanale 6 maja.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami14
Kamientary