Słynnaha historyka Irenu Hanieckuju zatrymali 8 studzienia. Zdaryłasia heta ŭ dvarach na Uruččy, niepadalok ad jaje doma.
«U piatnicu mama ŭvieś dzień pracavała za kampjutaram, rychtavała płan rabot za piać hod, jaki siońnia treba było zdać. Nie paśpieła pajeści navat, — raskazała dačka Alesia. — Uviečary vyrašyła pajści pravietrycca, paklikała susiedku. Kali ŭžo viartalisia dadomu, da ich padyšli dvoje znajomych, stajali razmaŭlali pra nadvorje. Tut padjechali dźvie mašyny, pakružyli. Mamu i susiedziaŭ zatrymali: «U RUUS adviaziom, tam usio patłumačać».
Ja kali ŭ subotu da jaje ŭ kvateru zachodziła, hareła śviatło, kampjutar byŭ uklučany, zastaŭsia adkryty fajł. Bačna, što jana płanavała chutka viarnucca».
Troje sutak da suda historyk praviała na Akreścina.
Sud prajšoŭ u paniadziełak 11 studzienia. Sudździa Pieršamajskaha rajona Maksim Trusievič vypisaŭ žančynie štraf u 30 bazavych — 870 rubloŭ.
«Mama siabie vielmi kiepska adčuvała, u jaje byŭ vysoki cisk», — dačka miarkuje, što mienavita heta paŭpłyvała na rašeńnie suda. Astatnim zatrymanym u toj viečar susiedziam dali pa 10 sutak.
Irena Hanieckaja — kandydat histaryčnych navuk. Jana ŭžo 30 hod pracuje ŭ Instytucie historyi Akademii navuk. Daśledčyca śpiecyjalizujecca na archieałohii siaredniaviečnych i postsiarednieviečnych haradoŭ, historyi biełaruskich zamkaŭ i kieramicy XI—XVIII stahodździaŭ. Jana kiravała raskopkami kala Mirskaha zamka.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju3
Kamientary