Chodziać razmovy, što hałoŭnaha redaktara paprasili syści paśla raźmiaščeńnia na staronkach časopisu rekłamy hramadskaj kampanii «Budźma».
Jak stała viadoma, Uładzimir Kulikovič z kanca maja bolš nie źjaŭlajecca hałoŭnym redaktaram časopisu «Rodnaje słova».
Pavodle jaho słoŭ, z hetaj pasady, jakuju zajmaŭ dva hady, jon syšoŭ pa ŭłasnym žadańni.
— Prosta ŭ mianie jość inšyja płany na žyćcio, — patłumačyŭ pryčynu Kulikovič.
Razam z tym ŭ atačeńni redakcyi chodziać razmovy, što hałoŭnaha redaktara paprasili syści paśla raźmiaščeńnia na staronkach časopisu rekłamy hramadskaj kampanii «Budźma». Sam Uładzimir Kulikovič admoviŭsia heta kamientavać.
— Nie viedaju, ci tak heta. Prydumajcie adkaz sami! — paraiŭ jon nam.
Zamiest Kulikoviča redaktaram «Rodnaha słova» pryznačana byłaja hałoŭnaja inśpiektarka Ministerstva adukacyi Zoja Padlipskaja. Pryčyny zvalnieńnia svajho papiarednika jana taksama nie nazyvaje.
— Kožnaha novaha redaktara pryznačaje ministr, — adznačaje Padlipskaja. — Bolš za ŭsio mnie b nie chaciełasia, kab niešta drennaje fihuravała pra Uładzimira Kulikoviča. My ŭsio žyviom u adnoj krainie i robim adnu spravu.
Cikava, što heta nie pieršaja źmiena hałoŭnaha redaktara časopisu, achutanaja tajamnicaj. U 2006 hodzie z pasady syšoŭ Michaś Šavyrkin. Aficyjnaja farmuloŭka hučała jak «pahadnieńnie bakoŭ». Ale ž sam były redaktar śćviardžaŭ, što prapanova pakinuć pasadu źviazana sa «źmiestavym napaŭnieńniem časopisu» — maŭlaŭ, tut drukujucca aŭtary, jakija apošnim časam nie ŭ pašanie ŭ biełaruskich uładaŭ. Z 8 žniŭnia 2007 hoda zahadam Minadukacyi hałoŭnym redaktaram byŭ pryznačany Uładzimir Kulikovič.
-
Paźniak prezientavaŭ knihu «Vilenščyna lubimaja i pryŭkrasnaja». Tam jość navat vieršy pa-francuzsku
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?8
Kamientary