Kanaploŭ razbušavaŭsia

Ciapierašni skład mužčynskaj zbornaj Biełarusi pa handbole nie dazvalaje "vychodzić spakojna abo ŭ finał čempijanatu śvietu, abo vykonvać tyja zadačy, jakija pastaŭleny dziaržavaj i nam jak fiederacyi pa ŭdziele ŭ Alimpijskich hulniach 2012 hoda",

zajaviŭ staršynia Biełaruskaj fiederacyi handboła Uładzimir Kanaploŭ u Minsku na pres-kanfierencyi, kamientujučy vystupleńnie nacyjanalnaj kamandy ŭ adboračnym turniry čempijanatu Jeŭropy-2010.

"U nas niama hulcoŭ, jakija b z 11—12 mietraŭ zabivali. U nas varatary prapuskajuć miačy z 10 mietraŭ. U nas siamimietrovyja pastajanna nie zabivajucca, i na hetym my šmat hublajem. A čyja heta praca? Heta praca trenieraŭ, pačynajučy ad junackaj zbornaj, ad školnikaŭ i da nacyjanalnaj zbornaj. Nie zabivajuć — pastaŭ, niachaj sutkami kidajuć, kab zabivali", — prapanavaŭ U.Kanaploŭ.

Staršynia BFH zaklikaŭ nie admaŭlacca ad lepšaha, što było ŭ Savieckim Sajuzie, "kali my z vami stanavilisia alimpijskimi čempijonami nie za hrošy, a pieradusim za patryjatyzm da radzimy" i fizičnaja padrychtoŭka handbalistaŭ była lepšaj. "Karšakievič amal za dziesiatku prabiahaŭ 100 mietraŭ i inšyja. Ad hetaha adychodzić nielha.

Poŭzajecie, jak błochi, pa placoŭcy", — zajaviŭ kiraŭnik fiederacyi.

Pavodle jaho mierkavańnia, ciapier hałoŭnaja zadača — "znajści niekalki hulcoŭ, jany ŭ nas jość, užo padrastajuć, 18—19-hadovych, 20-hadovych, kab heta byli chłopcy nie mienš jak dva mietry rostu, i kab, kali ŭ jaho niama 2,05, to jon skakaŭ i zabivaŭ tak, jak robiać pry 2,05—2,08". "Jość prablema zadniaj linii. A astatniaje, ja dumaju, što my razrulim", — skazaŭ U.Kanaploŭ.

U 5-j adboračnaj hrupie čempijanatu Jeŭropy-2010 Biełaruś paśla 6 hulniaŭ zajmaje treciaje miesca z 8 ačkami i razam sa słaviencami praciahvaje pretendavać na druhuju pucioŭku ŭ finalnuju častku.

13 červienia ŭ Minsku padapiečnyja Hieorhija Śvirydzienki lohka abyhrali aŭtsajderaŭ bałharaŭ (36:18), a za try dni da hetaha ŭstupili słaviencam z roźnicaj 12 miačoŭ (26:38).

"Viadoma, heta nieardynarny lik, bo, kali ŭziać apošnija try hady, my hulali suprać i bolš mocnych — uziać tuju ža Rasiju, Hiermaniju — i prajhravali adzinki litaralna miačoŭ. Kaniečnie, hetaja hulnia patrabuje asablivych razborak. Ale paviercie, što ŭ nas trenierski skład ciapier taki, što ja ni Śvirydzienku, ni Malinoŭskamu, ni Brazinskamu nie mahu nijakich pretenzij pradjavić, bo hetyja ludzi starajucca", — padkreśliŭ U.Kanaploŭ.

Pavodle jaho słoŭ, pajšli razmovy, što hulnia była zdadziena.

"Tolki ja nie viedaju, kim zdadziena. Ja całkam vieru i trenieram, i ŭ nas dobry mikraklimat u nacyjanalnaj zbornaj mužčynskaj, tamu ja dumaju, heta pustyja razmovy. Prosta słaviency byli macniejšymi", — ličyć staršynia BFH.

Za hulniu biez mazhoŭ nichto płacić nie chočaz>

«Kab kłubam lepš płacili hrošy, treba lepš i hulać. Kali biezabličnaja hulnia, hulnia biez mazhoŭ, biez kambinacyj, na jaje nie chodziać hledačy, to nichto im płacić nie choča» — tak prakamientavaŭ staršynia Biełaruskaj fiederacyi handboła Uładzimir Kanaploŭ admovu čatyroch biełaruskich kłubaŭ ad udziełu ŭ jeŭrapiejskich kubkach u novym siezonie.

Mužčynskija kłuby «Mašeka» (Mahiloŭ) i HHK (Homiel), a taksama žanočyja «Haradničanka» (Hrodna) i «Arkatron» (Minsk) admovilisia hulać u jeŭrapiejskich kłubnych turnirach z pryčyny ciažkaha finansavaha stanovišča.

U.Kanaploŭ zajaviŭ ab nieabchodnaści pravieści pravierku vykanańnia ŭkaza prezidenta ab dziaržaŭnaj padtrymcy handbolnych kłubaŭ: «Ministerstva sportu jašče nie analizavała, jak akazvajecca hetaja dapamoha, jakaja vydzialajecca suma. A zrabić heta, musić, nieabchodna i, mahčyma, nie tolki ź Ministerstvam sportu, ale i z peŭnymi strukturami kantrolu».

«Kaniečnie, hetaje vialikaje biazładździe, — praciahnuŭ kiraŭnik BFH. — Mnie ŭžo, skažu, nadakučyła vajavać z Mahilovam, z asobnymi kiraŭnikami.

Pavodle słoŭ U.Kanaplova, udzieł u jeŭrakubkach nieabchodny dla rejtynhu krainy na mižnarodnym uzroŭni: «Jakija b jany tam miescy ni zajmali, usio roŭna rejtynh Biełarusi na mižnarodnym uzroŭni pavyšajecca. A ŭličvajučy toje, što voś hetyja kłuby syšli i nie vystupajuć, to, viadoma, rejtynh našaj krainy nižejšy. Adnačasova i sudździ na mižnarodnym uzroŭni hladziać: aha, raz Biełaruś na zadvorkach znachodzicca, dyk možna časam spuściŭšy rukavy sudzić asobnyja hulni».

U.Kanaploŭ adznačyŭ, «nakolki składana vybivać kožnuju kapiejku». «Voś kryšku ŭ fiederacyi byli hrošy, ciapier my taksama na nuli znachodzimsia. A my dapamahali. I «Druci» dapamahali, i «Mašeku» dapamahali, i Navapołacku, i niejkim inšym jašče kamandam.

Na jaho dumku, kiraŭnikam fiederacyj pa vidach sportu, na jakija raspaŭsiudžvajecca dziaržpadtrymka, nieabchodna paprasić prezidenta krainy i Nacyjanalnaha alimpijskaha kamiteta źviarnuć uvahu na vykanańnie ŭkazaŭ.

«Ciažka, ale ŭ nastupnym hodzie my pastarajemsia zrabić tak, kab usie kamandy, jakija byli zajaŭlenyja, brali ŭdzieł», — reziumavaŭ U.Kanaploŭ

Dźmitry Ułasaŭ, BiełaPAN

• 0
• 0
• 0
• 0
• 0
• 0
• 0
• 0