Redaktary sajta niezarehistravanaha Sajuza palakaŭ ZnadNiemna.pl, žurnalisty Andžej Pisalnik i Inesa Todryk-Pisalnik vymušana pakinuli Biełaruś z-za pahrozy ich aryštu i zabrańnia ź siamji małoha syna, paviedamlaje reform.by.
Jak raspavioŭ sam Andžej Pisalnik, 14 krasavika jaho vyklikali ŭ prakuraturu Hrodna, dzie prakuror zajaviŭ, što jaho dziejnaść škodzić nacyjanalnym intaresam Biełarusi i jon moža być pryciahnuty da kryminalnaj adkaznaści pa artykule ab raspalvańni nacyjanalnaj varožaści, a taksama ab reabilitacyi nacyzmu (art. 130).
U pryvatnaści hutarka išła pra jaho kamientary polskim ŚMI.
Na nastupny dzień da Pisalnikaŭ pryjšli siłaviki i advieźli na dopyt u Śledčy kamitet u Minsku. 11-hadovy syn Marcin pry hetym zastaŭsia doma adzin biez nahladu. Dapytvali muža i žonku jak śviedak pa kryminalnaj spravie nieaficyjnaha Sajuza palakaŭ. Paśla dopytu, jaki doŭžyŭsia ceły dzień, ich advieźli nazad u Hrodna, daŭšy zrazumieć, što ich status pa spravie moža źmianicca, skazaŭ žurnalist.
Paśla hetaha siamja vyrašyła pakinuć Biełaruś, kab paźbiehnuć aryštu i dziela biaśpieki dziciaci. Pisalniki płanujuć praciahvać padtrymlivać pracu sajta.
Raniej pradstaŭniki niezarehistravanaha Sajuza palakaŭ Biełarusi Anžalika Borys, Andrej Pačobut, Maryja Ciškoŭskaja, Hanna Panišava, Irena Biarnackaja pryznanyja palitviaźniami. Jany artyštavanyja pa art. 130.
-
Prapahandysty pakazali mocna schudniełaha Vasila Vieramiejčyka
-
Stała viadoma, chto atrymaŭ žyllo ŭ «sakretnym» domie pad Drazdami. Siarod ich — siłavik, jaki «vyznačyŭsia» ŭ 2020 hodzie
-
Daktary z Ukrainy i Biełarusi ź ciažkaściu zdajuć polski miedycynski ekzamien. Praŭda, palaki z zamiežnym dypłomam spraŭlajucca nie lepš
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami14
Kamientary