Stvareńnie pieršych chimier čałavieka i małpy vyklikaje niepakoj siarod etykaŭ
Stvoranyja ŭ łabaratoryi embryjony z kletak čałavieka i małpy spačatku razhladalisia jak važny navukovy praryŭ. Adnak ciapier niekatoryja ekśpierty pa etycy bačać u hetym pryčynu dla niepakoju.
Navukoŭcy nie pieršy raz sprabujuć złučyć kletki čałavieka z žyviołami, kab atrymać ekśpierymientalnych istot, jakich nazyvajuć chimierami. Daśledčyki spadziajucca, što novyja kambinacyi možna budzie paśla vykarystoŭvać dla transpłantacyi čałaviečych orhanaŭ, vyvučeńnia zachvorvańniaŭ abo teściravańnia novych lekaŭ.
Padčas apošniaha daśledavańnia, jakija sumiesna pravodzili daśledčyki z ZŠA i Kitaja na pačatku hetaha miesiaca, udałosia stvaryć embryjony, jakija składalisia z kletak čałavieka i małpy. Pakul što hetyja embryjony źjaŭlajucca tolki naboram kletak, ale, na dumku etykaŭ, nastupstvy ŭ budučyni mohuć być surjoznymi.
Choć navukovaja kaštoŭnaść ekśpierymientu vialikaja, vykarystańnie kletak prymataŭ, jakija vielmi blizkija da ludziej, vyklikaje pytańni nakont budučyni žyvioł i maralnaha statusu hibrydnych embryjonaŭ, piša The Wall Street Journal.
Kali čałaviečyja stvałovyja kletki ŭvodziacca ŭ embryjon žyvioły na rańniaj stadyi raźvićcia, navukoŭcy nie mohuć kantralavać, kudy mienavita jany traplajuć i jakim typam darosłych kletak stanoviacca. Heta značyć, što jość vierahodnaść źmiešvańnia kletak, u vyniku čaho čałaviečyja kletki buduć raźvivacca ŭ mozhu, sercy abo ŭ inšych orhanach. Na siońnia daśledčyki nie mohuć nakiravać stvałovyja kletki na peŭnyja orhany i paźbiehnuć vypadkovych źmien u mozhu žyvioły, tamu stvareńnie takich embryjonaŭ — bieskantrolny praces, što turbuje etykaŭ.
U takich ekśpierymientaŭ jość patencyjał «ačałaviečyć» łabaratornych žyvioł. Mienavita tamu niekatoryja krainy zabaraniajuć abo abmiažoŭvajuć stvareńnie chimier.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami9
Kamientary