U Parahvai restaŭratara i jaho dačku zabili z-za skrypak Stradyvary
Troje hramadzian Hiermanii zatrymanyja ŭ Parahvai pa padazreńni ŭ dačynieńni da zabojstva suajčyńnikaŭ: 62-hadovaha archieołaha i restaŭratara muzyčnych instrumientaŭ i jaho dački-padletka, pieradaje Bi-bi-si.
Biernard fon Bredaŭ byŭ znojdzieny miortvym u svaim domie ŭ horadzie Asunśjon 22 kastryčnika. U vannym pakoi było znojdziena cieła jaho 14-hadovaj dački Łaryny.
Mužčynu lažaŭ na stale z ahniastrelnym ranieńniem u hałavu, jaho dačka była zabitaja strełam u žyvot. Jak miarkujecca, Bredava pierad śmierciu katavali, a ŭ jaho domie niešta šukali.
Palicyja ličyć, što metaj złačyncaŭ byli redkija skrypki Antonia Stradyvary, jakija naležali restaŭrataru.
Zabity moh być znajomy z napadnikami.
Zatrymanyja — 58-hadovy Folkier Hranas, 60-hadovy Iŭ Azryel Spartak Stejnmiec i 51-hadovy Stefan Jorh Miesinh Darčynhier.
U domie adnaho ź ich — Folkiera Hranasa (jon žyŭ pa susiedstvie z Bredavym) — byli znojdzienyja čatyry skrypki Stradyvary, jakija naležali zabitamu.
Palicyja miarkuje, što Biernard fon Bredaŭ, adpraŭlajučysia ŭ pajezdku, pakinuŭ Hranasu na zachoŭvańnie kaštoŭnyja skrypki.
Adnak, kali jon viarnuŭsia dadomu, Hranas paviedamiŭ, što skrypki zhareli padčas pažaru, adznačajuć u palicyi.
«Naša asnoŭnaja viersija zaklučajecca ŭ tym, što matyvam dla padvojnaha zabojstva stała sproba znajści mižnarodnyja siertyfikaty sapraŭdnaści skrypak, bieź jakich pradać instrumient niemahčyma», — skazaŭ kamisar palicyi Chjuha Hrans ahienctvu AP.
Za apošnija 50 hadoŭ było ździejśniena niekalki hučnych kradziažoŭ skrypak Stradyvary, košt jakich na aŭkcyjonach dasiahaje miljonaŭ dalaraŭ.
Lehiendarny italjanski majstar pa vyrabie smyčkovych instrumientaŭ Antonia Stradyvary (1644—1737), jak ličycca, za svajo žyćcio stvaryŭ kala tysiačy instrumientaŭ. Da našych dzion dajšli kala 650 ź ich.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary