Terminy zboru jahad žuravin i bruśnic ustanoŭleny ŭ rehijonach Biełarusi, paviedamili karespandentu BIEŁTA ŭ pres‑słužbie Ministerstva pryrodnych resursaŭ i achovy navakolnaha asiarodździa.
Tak, u Bresckaj vobłaści bruśnicy dazvolena źbirać z 10 žniŭnia, a žuraviny — z 5 vieraśnia. U Hrodzienskaj vobłaści bruśnicy možna źbirać z 15 žniŭnia, žuraviny — z 15 vieraśnia. U Minskaj vobłaści ŭ les pa bruśnicy možna nakiroŭvacca z 17 žniŭnia, a pa žuraviny z 14 vieraśnia. U Viciebskaj vobłaści bruśnicy dazvolena źbirać z 22 žniŭnia, žuraviny — z 12 vieraśnia. U Homielskaj vobłaści pa bruśnicy možna adpraŭlacca z 25 žniŭnia, žuraviny — 10 vieraśnia. U Mahiloŭskaj vobłaści zbor bruśnic pačniecca z 28 žniŭnia, žuravin — z 11 vieraśnia.
Terminy zboru dzikarosłych jahad ustanaŭlivajucca abłasnymi vykanaŭčymi kamitetami štohod. Heta robicca ŭ metach zachavańnia, racyjanalnaha vykarystańnia resursaŭ raślinnaha śvietu, niedapuščeńnia źmianšeńnia i dehradacyi jahadnikaŭ, atrymańnia śpiełaj i jakasnaj pradukcyi lesu. U asobnych rajonach rajonnymi vykanaŭčymi kamitetami mohuć być pryniaty rašeńni ab ustanaŭleńni bolš poźnich terminaŭ pačatku zboru dzikarosłych jahad, tamu bolš padrabiaznuju infarmacyju možna atrymać u harrajinśpiekcyjach pryrodnych resursaŭ i achovy navakolnaha asiarodździa.
U Minpryrody nahadali, što ŭ adpaviednaści z Kodeksam ab administracyjnych pravaparušeńniach parušeńnie ŭstanoŭlenych terminaŭ,
prymianieńnie zabaronienych srodkaŭ abo mietadaŭ zboru dzikarosłych raślin viadzie da papiaredžańnia abo nakładańnia štrafu ŭ pamiery da 20 bazavych vieličyń,na indyvidualnaha pradprymalnika da 100 bazavych vieličyń, na jurydyčnuju asobu da 500 bazavych vieličyń. (Ciapier 1 bazavaja vieličynia składaje Br35 tys.).
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary