U ZŠA ŭviali abmiežavańni na ekspart, reekspart i prodaž «pradmietaŭ raskošy» ŭ Biełaruś
Da hetaha času kantrol u dačynieńni da pastavak pradmietaŭ raskošy ŭžyvaŭsia ZŠA tolki ŭ dačynieńni da Paŭnočnaj Karei.
U ZŠA ŭviali abmiežavańni na ekspart, reekspart i prodaž pradmietaŭ raskošy ŭ Biełaruś i Rasiju. Pra heta havorycca ŭ relizie Ministerstva handlu ZŠA, paviedamlaje Zerkalo.io.
«My nie dazvolim Pucinu i jaho paplečnikam praciahvać žyć u raskošy, pryčyniajučy vielizarnyja pakuty ŭsioj Uschodniaj Jeŭropie. Siońniašnija dziejańni pazbaŭlajuć ich jašče adnoj krynicy suciašeńnia i nahadvaje im, što Rasija stanovicca ŭsio bolš izalavanaj», — zajaviła ministr handlu ZŠA Džyna Rajmonda.
U pres-relizie amierykanskaha viedamstva adznačajecca, što da hetaha času kantrol u dačynieńni da pastavak pradmietaŭ raskošy prymianiaŭsia ZŠA tolki ŭ dačynieńni da Paŭnočnaj Karei.
«Heta pavinna nahadać Pucinu i jaho rasijskim i biełaruskim paplečnikam, što śviet rašuča asudžaje zładžany im kašmar. ZŠA, našy sajuźniki i partniory buduć i dalej užyvać surjoznyja miery da Rasii i Biełarusi za dalejšaje ŭvarvańnie va Ukrainu», — padkreślivajecca ŭ relizie.
U śpisie pradmietaŭ raskošy amierykanskaha pachodžańnia, na jakija raspaŭsiudžvajucca sankcyi, — śpirtnyja napoi, tytuniovyja vyraby, adzieńnie, juvielirnyja vyraby, aŭtamabili i antykvarnyja tavary.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary