Papa Rymski Francišak zaklikaŭ spynić vajnu va Ukrainie da katalickaha Vialikadnia
«Prybiarycie zbroju, niachaj pačniecca vielikodnaje pieramirje», — skazaŭ pantyfik u zvarocie da viernikaŭ z nahody Palmavaj (Vierbnaj) niadzieli, što adznačaje siońnia Rymska-katalickaja carkva.
«Ale nie dla taho, kab pierazaradzić uzbrajeńni i znoŭ zmahacca, nie. Pieramirje, kab pryjści da miru praz sapraŭdnyja pierahavory, budučy hatovymi taksama da niekatorych achviar na karyść ludziej», — skazaŭ Papa Francišak.
«Dla Boha niama ničoha niemahčymaha, navat spynić vajnu, kanca jakoj nie vidać, — vajnu, praź jakuju kožny dzień u nas pierad vačyma žachlivyja masavyja zabojstvy i źvierskija žorstkaści suprać biezabaronnych cyvilnych asobaŭ», — dadaŭ pantyfik.
Raniej Francišak užo nieadnarazova zaklikaŭ spynić vajnu, a ŭ pačatku krasavika raskrytykavaŭ «zamknionaha ŭ anachraničnych damahańniach nacyjanalistyčnych intaresaŭ» čałavieka, jaki raspaliŭ kanflikt va Ukrainie. Kankretna nazyvać imia Pucina jon, praŭda, tady nie staŭ.
Raniej kiraŭnik Katalickaj carkvy vykazvaŭ hatoŭnaść pryjechać va Ukrainu.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami11
Kamientary