Supracoŭnika RNPC dziciačaj ankałohii asudzili da troch hadoŭ «chatniaj chimii» za pratest
U sudzie Pieršamajskaha rajona Minska 9 vieraśnia razhledzieli kryminalnuju spravu suprać Alaksandra Mialeški. Jaho abvinavacili va ŭdziele ŭ dvuch niadzielnych Maršach u Minsku — 23 i 30 žniŭnia 2020 hoda, piša «Viasna».
Supracoŭniki KDB zatrymali Alaksandra Mialešku 7 lipienia ŭ miežach kryminalnaj spravy i źmiaścili jaho na Akreścina. Praz šeść sutak mužčynu vypuścili pad paručalnictva kaleh, tamu da suda jon znachodziŭsia na voli.
Mialeška — zahadčyk łabaratoryi hienietyčnych bijatechnałohij Respublikanskaha navukova-praktyčnaha centra dziciačaj ankałohii, hiematałohii i imunałohii, kandydat bijałahičnych navuk. U jaho 20-hadovy staž pracy, raniej jon uvachodziŭ u kiraŭničy orhan pieršasnaj arhanizacyi «Svabodnaha prafsajuza biełaruskaha» ŭ RNPC DAHI.
Siońnia sudździa Maksim Trusievič pryznaŭ Alaksandra vinavatym pavodle art. 342 Kryminalnaha kodeksa i asudziŭ jaho da troch hadoŭ «chatniaj chimii».
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary