Amierykanskaje pasolstva ŭ Maskvie zaklikała hramadzian ZŠA nieadkładna pakinuć Rasiju
Amierykanskaje pasolstva, jak napiaredadni i inšyja krainy Zachadu, zaklikała svaich hramadzian źjechać z Rasii.
«Hramadzianie ZŠA pavinny admovicca ad pajezdak u Rasiju, a tyja, chto pražyvaje abo padarožničaje ciapier u Rasii, pavinny nieadkładna pakinuć krainu, pakul zastajucca abmiežavanyja mahčymaści dla vyjezdu na pryvatnaj asnovie», — havorycca ŭ paviedamleńni.
Amierykanskija dypłamaty vykazali aściarohu, što rasijskija ŭłady mohuć nie pryznavać padvojnaje hramadzianstva Rasii i ZŠA i admović takim ludziam u dostupie da konsulskaj dapamohi ZŠA, pieraškodzić ich vyjezdu z Rasii i zaklikać na vajskovuju słužbu.
«Nahadvajem hramadzianam ZŠA, što prava na mirnyja schody i svabodu słova ŭ Rasii nie harantujecca. Paźbiahajcie lubych palityčnych ci sacyjalnych pratestaŭ i nie fatahrafujcie supracoŭnikaŭ pravaachoŭnych orhanaŭ na hetych mierapryjemstvach. Rasijskija ŭłady aryštoŭvali hramadzian ZŠA, jakija ŭdzielničali ŭ demanstracyjach», — papiaredzili ŭ ambasadzie.
Učora Bałharyja, Polšča i Estonija pra toje ž paprasili svaich hramadzian. MZS Bałharyi, naprykład, prasiła zrabić heta, vykarystoŭvajučy ŭsie mahčymyja srodki pieramiaščeńnia ŭ suviazi sa składanaj abstanoŭkaj.Tym, chto zastajecca, paraili «prajaŭlać pavyšanuju pilnaść, paźbiahać miescaŭ masavaha zboru ludziej i ŭvažliva adsočvać raźvićcio situacyi».
Krainy Zachadu, vidavočna, pačynajuć niepakoicca za biaśpieku svaich hramadzian u Rasii.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju1
Kamientary