Piaskoŭ: U jakich miežach pryniatyja ŭ skład Rasii novyja terytoryi, stanie jasna paźniej
Rasija budzie raicca z nasielnictvam Zaparožskaj i Chiersonskaj abłaściej pa pytańni miežaŭ, u jakich jany ŭvajšli ŭ RF, paviedamiŭ pres-sakratar kiraŭnika dziaržavy Dźmitryj Piaskoŭ, piša TASS.
«Častkova ŭžo prajaśnieńnie nastupiła [pa pytańni ab miežach], ja vam skažu mienš jurydyčnaj movaj.
ŁNR i DNR— miežy 2014 hoda. Chierson i Zaparožža — pa miežach my praciahniem raicca z nasielnictvam hetych abłaściej», — skazaŭ Piaskoŭ. «Voś heta i jość ciapier adnaznačny adkaz: my praciahniem raicca ź ludźmi, jakija žyvuć u hetych abłaściach», — dadaŭ jon.
Pradstaŭnik Kramla nie staŭ adkazvać na pytańnie, kamu naležać terytoryi, jakija znachodziacca ŭ hetych abłaściach pad kantrolem USU. «Jakija mienavita [terytoryi]? Mnie ciapier bolš niama čaho dadać pa hetym [pytańni]», — skazaŭ Piaskoŭ.
Jon taksama rastłumačyŭ, što na novych terytoryjach nie płanujecca praviadzieńnie refierendumaŭ pa pytańni ab miežach, u jakich jany ŭvajšli ŭ skład RF. «Ciapier pakul nie», — skazaŭ pres-sakratar.
Adkazvajučy na ŭdakładniajučaje pytańnie pra toje, u jakim farmacie Maskva płanuje raicca z nasielnictvam Chiersonskaj i Zaparožskaj abłaściej pa pytańni ab miežach, Piaskoŭ adznačyŭ: «Ciapier ja nie mahu adkazać na vaša pytańnie, ale, biezumoŭna, u lubym vypadku, lubaja kanfihuracyja budzie zaležać tolki ad voli ludziej, jakija pražyvajuć na toj ci inšaj terytoryi».
Kamientujučy toje, ci buduć vyznačanyja miežy da momantu padpisańnia prezidentam RF Uładzimiram Pucinym adpaviednych zakonaŭ, Piaskoŭ rastłumačyŭ: «Nie, ja dumaju, farmuloŭka [pa miežach] zastaniecca takoj ža». «Ja spyniŭsia b na toj farmuloŭcy, jakuju ja ŭžo vykarystoŭvaŭ», — padsumavaŭ jon.
30 vieraśnia ŭ Kramli prajšła ŭračystaja cyrymonija, padčas jakoj Pucin padpisaŭ damovy z tak zvanymi kiraŭnikami Danieckaj i Łuhanskaj narodnych respublik, Zaparožskaj i Chiersonskaj abłaściej ab uklučeńni hetych rehijonaŭ u skład RF.
Miežy zachoplenych Rasijaj terytoryj — nieviadomyja. Ukraina praciahvaje ich vyzvalać.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?3
Kamientary
U jakich miežach pryniatyja ŭ skład Rasii novyja terytoryi, budzie zaležyć ad ZSU