Sietka praduktovych kram «Proviant'», jakaja raźvivała farmat «kala doma», zakryła svaje kramy. Na sajcie sietki paznačana, što ŭsie handlovyja abjekty «časova nie pracujuć». Ale aficyjna kampanija nie zbankrutavała, niahledziačy na paviedamleńni ŚMI, piša Office Life.
Uładalnik sietki, TAA «Pravijanthrup», zaŭvažany ŭ sudovym raźbiralnictvie z kampanijaj «Furson piersanał», jakoj pavinien 31,3 tys. rubloŭ. Ale bankructva sietki aficyjna nie paćviardžajecca. U Adzinym dziaržaŭnym rehistry jurydyčnych asob i indyvidualnych pradprymalnikaŭ niama źviestak ab ekanamičnaj niepłatazdatnaści TAA «Pravijanthrup». Taksama nie paviedamlajecca pra spynieńnie dziejnaści jurydyčnaj asoby ŭ vyniku rearhanizacyi.
Siońnia pałovu kram «Proviant'» vykupiła kampanija «Librecik», jakaja raźvivaje sietku supiermarkietaŭ «Susiedzi». Asnoŭnaj schiemaj nabyćcia stała rearhanizacyja jurydyčnych asob u formie dałučeńnia. Pry hetym «Librecik» staŭ pravapierajemnikam pa ŭsich damoŭnych abaviazacielstvach, u tym liku daŭhavych.
Da pahadnieńnia z «Librecik» u roźničnaj sietki «Proviant'» było 44 kramy.
Čytajcie taksama:
Zbankrutavała sietka praduktovych kram «Proviant'»
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?9
Kamientary