U lesie na miažy Vałožynskaha i Iŭjeŭskaha rajonaŭ znajšli miortvym piensijaniera, jaki pracavaŭ u Vałožynskim rajvykankamie kiroŭcam i źnik 22 śniežnia. Čałaviek žyŭ u adnoj ź viosak Vałožynskaha rajona i nie dažyŭ da svajho 64-hodździa dva miesiacy, piša rehijanalnaje vydańnie Kraj.by.
Svajaki i znajomyja piensijaniera razam z vałanciorami pošukava-vyratavalnaha atrada «Anioł» 30 śniežnia znajšli cieła ŭ lasnym masivie, niedaloka ad prydarožnaj kaviarni pablizu vioski Rasoliški Iŭjeŭskaha rajona Hrodzienskaj vobłaści.
Pradstaŭnik atrada «Anioł» raskazaŭ, što napiaredadni źniknieńnia piensijaniera zatrymała DAI, kali jon byŭ niećviarozy za rulom. Paśviedčańnie kiroŭcy ŭ jaho zabrali, i jon byŭ z-za hetaha vielmi zasmučany.
22 śniežnia kala siami hadzin ranicy čałaviek pastaviŭ svaju mašynu doma ŭ haraž i syšoŭ z domu. Susied padvioz jaho da Vałožyna, a tam jon vyklikaŭ taksi i dajechaŭ na im da prydarožnaj kaviarni na ŭjeździe ŭ Iŭjeŭski rajon.
Kali piensijaniera pačali šukać, to pa śladach na śniezie siabar siamji źnikłaha znajšoŭ jaho cieła prykładna za 340 mietraŭ ad kaviarni. U kišeniach užo niabožčyka lažali kopija pratakoła DAI, časovaje paśviedčańnie kiroŭcy i mabilny telefon. Mierkavanyja abstaviny śmierci nie ahučvajucca, kažuć tolki, što prykmiet jaje kryminalnaha charaktaru nie zafiksavana.
Kamientary