U Rovienskaj vobłaści, jakaja miažuje ź Biełaruśsiu, zaminiravany ŭvieś pryhraničny pierymietr
Kiraŭnik abłasnoj vajskovaj administracyi Rovienščyny Vital Koval raskazaŭ pra umacavańni na miažy.
Abarončyja zbudavańni na byłym prapusknym punkcie. Fota: «Ukrainskaja praŭda»
«Na poŭnačy aktyŭna budujem inžyniernyja i fartyfikacyjnyja zbudavańni. Supraćtankavyja ravy. Usie 229 sumiesnych kiłamietraŭ z Respublikaj Biełaruś ŭmacoŭvajucca nastolki, kab rasijskija vojski nie zmahli prajści ŭhłyb našaha rehijona. Kali ŭłady Biełarusi daduć mahčymaść im pačać nastup», — napisaŭ jon.
Koval dadaŭ, što poŭnač Rovienskaj vobłaści — heta sucelnyja lasy i bałoty.
«Tolki varjat advažycca paleźci ŭ hety, jak my nazyvajem, «Paleski kacioł». Poŭnač Rovienščyny pieratvorycca ŭ kryvavyja bałoty, kali Rasija adkryje jašče adzin front z boku Biełarusi», — vykazaŭsia jon.
Kamientary