Pa «narodnym» artykule ŭ Minsku asudzili jašče adnu siamiejnuju paru
Sud Leninskaha rajona Minska vynies prysud pa kryminalnaj spravie Dźmitryja i Natalli Haro, jakich abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak (č. 1 art. 342 Kryminalnaha kodeksa), paviedamlaje «Viasna».
Spravu razhladała sudździa Anastasija Ačałava.
Muža i žonku Haro zatrymali naprykancy kastryčnika 2022 hoda i da suda źmiaścili ŭ SIZA № 1 Minska.
Pa materyjałach abvinavačańnia, kiraŭnik škoły zamiežnych moŭ Engllshpei Dźmitryj Haro i jahonaja žonka Natalla ŭ vieraśni 2020 hoda brali ŭdzieł u niesankcyjanavanym masavym mierapryjemstvie ŭ Minsku. Znachodzilisia razam ź inšymi mitynhoŭcami na praśpiektach Pieramožcaŭ i Niezaležnaści, nie padparadkoŭvalisia patrabavańniam supracoŭnikaŭ milicyi, ažyćciaŭlali błakavańnie ruchu transpartnych srodkaŭ z dapamohaj pierakryćcia prajeznaj častki, u vyniku čaho była parušanaja praca hramadskaha transpartu.
Ich vyličyli pa fotazdymkach u internecie.
U sudzie Dźmitryj pryznaŭ svaju vinu, patłumačyŭ, što razam z žonkaj, daviedaŭšysia ź internetu pra mitynh, dałučyŭsia da pratestoŭcaŭ, vychodziŭ na prajeznuju častku darohi, jakoj-niebudź atrybutyki pratesnaha charaktaru pry sabie nie mieŭ, łozunhaŭ nie vykrykvaŭ, u dałoni nie plaskaŭ.
Sud pryznačyŭ Dźmitryju i Natalli abmiežavańnie voli biez nakiravańnia va ŭstanovu adkrytaha typu («chatniaja chimija») terminam na dva hady.
Muža i žonku vyzvalili z-pad varty ŭ zale suda.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?9
Kamientary