Zadziejničana 500 instruktaraŭ. Minabarony raskazała ab padrychtoŭcy rasijskich vajskoŭcaŭ u Biełarusi
Načalnik Hałoŭnaha ŭpraŭleńnia bajavoj padrychtoŭki Uzbrojenych sił hienierał-major Alaksandr Bas raspavioŭ pra toje, jak prachodzić padrychtoŭka rasijskich vajskoŭcaŭ na biełaruskich palihonach. Rehijanalnaja hrupoŭka vojskaŭ była razhornuta vosieńniu minułaha hoda.
«Navučańniem i padrychtoŭkaj padraździaleńniaŭ rehijanalnaj hrupoŭki vojskaŭ zajmajecca bolš za 500 biełaruskich instruktaraŭ. Jany majuć vysoki ŭzrovień nieabchodnych praktyčnych navykaŭ i viedaŭ. Hety fakt paćvierdžany vodhukami rasijskich kaleh i vynikami kantrolnych zaniatkaŭ», — zajaviŭ Bas.
Treba adznačyć, što takuju ž kolkaść biełaruskich vajskovych instruktaraŭ zhadvaŭ padčas vystupu z pasłańniem narodu i parłamientu Alaksandr Łukašenka.
Bas dadaŭ, što padrychtoŭka viadziecca na šerahu palihonaŭ i ŭčastkaŭ miascovaści. Pavodle jaho słoŭ, u krainie stvorany sučasnaja vučebna-materyjalnaja baza, trenažornyja kompleksy.
«Trenirovačny praces zasnavany na sučasnych formach i sposabach viadzieńnia bajavych dziejańniaŭ. Stvorany vydatnyja bytavyja ŭmovy. Sam praces padrychtoŭki zasnavany na vopycie viadzieńnia bajavych dziejańniaŭ u chodzie śpiecyjalnaj vajennaj apieracyi, my adaptujem hety vopyt i ŭžyvajem dla navučańnia asabovaha składu, jaki ŭvachodzić u skład rehijanalnaj hrupoŭki vojskaŭ», — skazaŭ jon.
«Ažyćciaŭlajecca padrychtoŭka jak pa asobnych śpiecyjalnaściach, tak i dziejańniach u składzie małych hrup. Akcenty robim na ŭzajemazamianialnaść, vałodańnie bolšaściu vidaŭ uzbrajeńnia, viadzieńnie bajavych dziejańniaŭ na luboj miascovaści, u tym liku ŭ haradskich umovach, z vykarystańniem BPŁA roznych typaŭ i inšych sučasnych uzoraŭ uzbrajeńnia, vajskovaj i śpiecyjalnaj techniki», — dadaŭ jon.
Rasija pierakinuła z palihona pad Baranavičami kala 1000 vajskoŭcaŭ — raźviedka Brytanii
-
Prapahandysty pakazali mocna schudniełaha Vasila Vieramiejčyka
-
Stała viadoma, chto atrymaŭ žyllo ŭ «sakretnym» domie pad Drazdami. Siarod ich — siłavik, jaki «vyznačyŭsia» ŭ 2020 hodzie
-
Daktary z Ukrainy i Biełarusi ź ciažkaściu zdajuć polski miedycynski ekzamien. Praŭda, palaki z zamiežnym dypłomam spraŭlajucca nie lepš
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami14
Kamientary