U Hrodnie apublikavali śviatočnuju afišu na 9 Maja z udziełam Hazmanava. Haradžanie «acanili»
Učora była apublikavana prahrama mierapryjemstvaŭ da Dnia Pieramohi ŭ Hrodnie. Płan uračystych mierapryjemstvaŭ raspaŭsiudzili dziaržaŭnyja i niezaležnyja miedyja. Reakcyja haradžan krasamoŭnaja.
Prapanujuć śpiavać razam z Hazmanavym
Sioleta padčas śviatkavańnia 9 Maja ŭ Hrodnie musiać vystupić narodny artyst Rasii Aleh Hazmanaŭ i rasijski hurt «Korni».
Hazmanaŭ budzie śpiavać na Savieckaj płoščy z 21:00 da 21:55.
Z 21:55 da 22 hadzin zapłanavana akcyja «Praśpiavajem Dzień Pieramohi razam». U afišy hetaja padzieja nazyvajecca jak «ahulnanarodnaja akcyja z udziełam Aleha Hazmanava». A 22-j hadzinie haradžan čakaje śviatočny salut.
Zatym na scenie budzie vystupać hurt «Korni».
Haradžanie «płačuć»
U sacsietkach prahramu ŭžo acanili.
U telehram-kanale S13 naličvajecca 16 616 padpisčykaŭ. Pad dopisam z prahramaj śviatkavańnia 9 Maja samaj papularnaj reakcyjaj staŭ «dyzłajk» — 135. Kolkaść «łajkaŭ» usiaho 20.
U aŭtamabilnaha partała «AŭtaHrodna» 18 900 padpisčykaŭ u telehramie. Samaja papularnaja reakcyja pad dopisam — «haŭniaška», tak adreahavali na prahramu z udziełam Aleha Hazmanava amal 150 karystalnikaŭ. Łajkam dopis acanili 23 karystalniki. Treciaje miesca pa papularnaści nabrała reakcyja ŭ vyhladzie smajła, jaki vanituje, — 12.
U telehram-kanale Hrodna.life krychu bolš za 1000 padpisantaŭ, 49 ź ich adreahavali na navinu vanitujučym smajlikam. Dla paraŭnańnia: padabajki ŭsiaho dźvie.
U dziaržaŭnaha rehijanalnaha telekanała «Hrodna Plus» 1375 padpisčykaŭ u telehramie.
Samaj papularnaj reakcyjaj pad dopisam z afišaj śviatočnych mierapryjemstvaŭ staŭ smajlik, jaki płača. Takich reakcyj — 10. Šeść karystalnikaŭ adreahavali na dopis ahienčykam, a dva — plaskańniem u dałoni.
Adznačym, što sumny smajlik, jaki płača, — heta adzinaja dastupnaja reakcyja ź niehatyŭnaj kanatacyjaj, jakuju prapanujuć na vybar u hetym kanale.
Nijakich inšych reakcyj na dopis, nakštałt dyzłajka, vanitujučaha smajlika ci «haŭniaški», u telehram-kanale «Hrodna Plus» abrać nielha.
«Naša Niva» — bastyjon biełaruščyny
PADTRYMAĆČytajcie taksama:
Prapanujuć zrabić «rasijski» kvartał? Hrodziencaŭ zaprašajuć da abmierkavańnia nazvaŭ vulic
Aleh Hazmanaŭ u cišotcy ź simvałam «V» śpiavaŭ dla biełaruskich milicyjanieraŭ na turźlocie
Hazmanaŭ: «Słavianski bazar» — adzin z najlepšych fiestyvalaŭ u śviecie, suprać jaho — zamiežnyja boty
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary
- Nie, babul, tolki Korni i *** *****aŭ.