Piaskoŭ patłumačyŭ, čamu Pucin, jaki trymaje ŭsich na karancinie pierad sustrečaj ź im, abdymaŭsia z žycharami Dzierbienta
Pra toje, što prezident Rasii Uładzimir Pucin z pačatku pandemii trymaje ludziej pierad asabistaj sustrečaj ź im na karancinie, jość dziasiatki śviedčańniaŭ. Ale ŭčora Pucin vyjšaŭ da natoŭpu, jaki z zachapleńniem jaho sustreŭ. Ź niekatorymi žycharami Dzierbienta Pucin navat abdymaŭsia. Dźmitryj Piaskoŭ patłumačyŭ RBK niečakanuju pieramienu.
U dačynieńni da Uładzimira Pucina dziejničaje asoby režym epidemijałahičnaj biaśpieki, ale jon nie zmoh admović žycharam Dzierbienta ŭ pryvitańni, patłumačyŭ Dźmitryj Piaskoŭ.
«Z adnaho boku, jość nastojlivyja rekamiendacyi śpiecyjalistaŭ, ale z druhoha boku, jość ćviordaje rašeńnie prezidenta, kali jon nie moh admović hetym ludziam u tym, kab nie pavitać ich. Takoje byvaje», — skazaŭ Piaskoŭ. Pavodle pres-sakratara Pucina, «litaralna ŭvieś horad vyjšaŭ sustrakać prezidenta».
Kreml apublikavaŭ videa, na jakim kiraŭnik Rasii padychodzić da natoŭpu žycharoŭ u Dzierbiencie. U natoŭpie — zachapleńnie.
Z pačatku pandemii kavidu Pucin paźbiahaŭ asabistych kantaktaŭ. Žurnalistaŭ pierad sustrečaj z prezidentam RF sadžali na karancin, a na pieramovach Pucina z prezidentam Francyi pastavili čatyrochmietrovy stoł.
Jašče dva tydni tamu pierad sustrečaj z Pucinym vajennych prapahandystaŭ prymusili tydzień siadzieć na karancinie. Pra heta paviedamili sami ŭdzielniki sustrečy: aŭtarka telehram-kanała «Katrusia» Kaciaryna Ahranovič i «vajenkar» Alaksandr Sładkoŭ, jakija ŭdziali ŭdzieł u mierapryjemstvie.
«Mnie vielmi spadabaŭsia karancin, bo možna było siem dzion siadzieć i nikudy nie chadzić», — napisała Ahranovič.
Na karancin udzielnikaŭ sustreč z Pucinym adpraŭlajuć z pačatku pandemii karanavirusa ŭ 2020 hodzie. Pieršapačatkova termin izalacyi składaŭ dva tydni, ale potym jaho skaracili da adnaho. Aproč znachodžańnia na karancinie, ludzi pavinny mieć admoŭny PŁR-test.
Pavyšanaja ŭvaha Pucina da svajho zdaroŭja nie adnojčy stanaviłasia miemam i pradmietam abmierkavańniaŭ. Praz heta ŭźnikajuć viersii, što kali Pucin źjaŭlajecca siarod prostych ludziej, to heta robić jahony dvajnik.
Inšaje tłumačeńnie jaho niečakanym učynkam nakštałt načnoj pajezdki ŭ Maryupal znajści ciažka.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary