Prakuratura pakarała kiraŭnika pradpryjemstva za toje, što pryniaŭ čałavieka na pracu biez uzhadnieńnia z rajonnaj administracyjaj
Prakuratura Savieckaha rajona h. Minska pry praviercy vyjaviła fakt parušeńnia kiraŭnikom adnoj z arhanizacyj pravił pryjomu na pracu, na kirujučuju pasadu. Jaho aštrafavali na 2 bazavyja vieličyni.
«U chodzie pravierki ŭstanoŭlena, što, dakładna viedajučy ab faktach nieadnarazovaha na praciahu apošnich piaci hadoŭ zvalnieńnia za prahuł rabotnika, jaki pretenduje na zajmańnie kirujučaj pasady, dyrektar pradpryjemstva nie zabiaśpiečyŭ prachodžańnia pracedury ŭzhadnieńnia jaho pryznačeńnia ŭ administracyi rajona. Jon vydaŭ zahad ab pryjomie asoby na kirujučuju pasadu biez adpaviednaj zhody kiraŭnika administracyi rajona», — havorycca ŭ paviedamleńni prakuratury.
Zhodna z zakanadaŭstvam, tłumačyć prakuratura, u vypadku naznačeńnia na kirujučyja pasady ŭ arhanizacyi dziaržaŭnaj i pryvatnaj form ułasnaści asob, u jakich byli fakty zvalnieńnia pa dyskredytujučych abstavinach na praciahu piaci hadoŭ, kiraŭniku adpaviednaj arhanizacyi nieabchodna inicyjavać praceduru ŭzhadnieńnia takoha naznačeńnia staršynioj adpaviednaha rajonnaha, haradskoha vykankama, kiraŭnikom administracyi rajona h. Minska.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?3
Kamientary