Eks-čempijon Biełarusi pa futbole ŭmudryŭsia atrymać vaśmimatčavuju dyskvalifikacyju ŭ druhoj lizie
Eks-chaŭbiek BATE i zbornaj Biełarusi siońnia vystupaje za «Miory» z druhoj lihi (treci dyvizijon).
Filip Rudzik atrymaŭ vaśmimatčavuju dyskvalifikacyju. Heta adbyłosia pa vynikach pajadynku «Viciebskaha dyvizijona» «Pastavy» — «Miory» (2:2). Rudzik pakarany pavodle artykułaŭ 70 («surjoznyja parušeńni praviłaŭ hulni suprać aficyjnych asob matča») i 75 («pahrozy ŭ dačynieńni da aficyjnaj asoby futbolnaha matča»), piša Presboł.
Paznaka ŭ aficyjnym pratakole sustrečy pamiž «Miorami» i «Pastavami» abviaščaje, što paŭabaronca padyšoŭ da hałoŭnaha arbitra matča i ŭ ahresiŭnaj maniery abražaŭ i pahražaŭ fizičnaj raspravaj sudziejskaj bryhadzie.
U turnirnaj tablicy «Miory» nabrali 40 punktaŭ u 16 sustrečach.
Filip Rudzik dvojčy stanaviŭsia čempijonam Biełarusi ŭ składzie BATE (2010, 2011), za zbornuju Biełarusi zhulaŭ čatyry matčy ŭ 2009-2011 hadach. Zaraz hulaje za minornyja «Miory».
Kamientary