Aktrysa Elen Daras padała skarhu 10 vieraśnia minułaha hoda na seksualny hvałt na zdymačnaj placoŭcy 2007 hoda. Adnak paryžskaja prakuratura zakryła spravu praz zakančeńnie terminu daŭnaści, paviedamlaje Le Figaro.
Skarha aktrysy Elen Daras, jakaja abvinavačvała akciora Žerara Depardjo ŭ seksualnym hvałcie nad joj u časie zdymak filma ŭ 2007 hodzie, była spynienaja ŭ kancy śniežnia praz zakančeńnie terminu daŭnaści, paviedamiła ŭ paniadziełak prakuratura Paryža.
Daras śćviardžała, što akcior «pravodziŭ rukoj pa jaje ściohnach, pa jahadzicach», a potym kazaŭ: «Ci chočaš u maju hrymiorku?». Aktrysa adkazała: «Nie». Adnak Depardjo nibyta praciahvaŭ łaščyć jaje.
U asobnaj spravie Žeraru Depardjo 16 śniežnia 2020 hoda ŭ Paryžy było vystaŭlena abvinavačvańnie ŭ zhvałtavańni i seksualnym hvałcie paśla skarhi inšaj aktrysy, Šarłoty Arnu, jakaja ŭ kancy žniŭnia 2018 hoda zajaviła pra dva zhvałtavańni ŭ paryžskim Domie akciora.
U krasaviku minułaha hoda partał Mediapart paviedamlaŭ, što 13 žančyn abvinavacili Depardjo ŭ hvałcie i seksualnych damahańniach. Havorka idzie pra vypadki, jakija mierkavana adbylisia z 2004 pa 2022 hod na zdymkach 11 filmaŭ, achviarami byli aktrysy, hrymiory i vytvorčy piersanał. Akcior adchiliŭ abvinavačvańni, padkreśliŭšy, što jon «nie hvałtaŭnik i nie drapiežnik».
U listapadzie minułaha hoda na telekanale France 2 vyjšaŭ film, u jakim čatyry žančyny abvinavacili Depardjo ŭ seksualnym hvałcie.
Akcior admoviŭsia ad najvyšejšaj uznaharody Francyi — ordena Hanarovaha lehijona.
U padtrymku akciora vykazalisia 50 viadomych dziejačaŭ kultury Francyi, u tym liku Pjer Ryšar, a taksama prezident Makron.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary