Mikałaj Aksamit pamior u Vaŭkavysku, jamu było 69 hadoŭ. Jak stała viadoma «Radyjo Svaboda», śmierć adbyłasia paśla zapłanavanaj apieracyi.
Mikałaj Aksamit skončyŭ mienski teatralna-mastacki instytut, byŭ mastakom-afarmicielem. U 1990 hodzie jon byŭ abrany deputatam Viarchoŭnaha Savieta BSSR 12-ha sklikańnia ad Vaŭkavyskaj haradskoj vybarčaj akruhi № 248.
U 1990 hodzie ŭdzielničaŭ u raspracoŭcy Dekłaracyi ab dziaržaŭnym suvierenitecie, hałasavaŭ za abviaščeńnie niezaležnaści Biełarusi 25 žniŭnia 1991 h. Byŭ siabram Kamisii Viarchoŭnaha Savieta pa adukacyi, kultury i zachavańni histaryčnaj spadčyny.
11-12 krasavika 1995 hoda ŭdzielničaŭ u haładoŭcy deputataŭ Apazicyi BNF suprać inicyjavanaha Łukašenkam refierendumu ab skasavańni biełaruskaj movy jak adzinaj dziaržaŭnaj, skasavańni statusu dziaržaŭnych simvałaŭ bieł-čyrvona-biełaha ściaha i hierbu «Pahonia», intehracyi z Rasiejaj i pravie prezidenta raspuskać parłamient. Byŭ žorstka źbity padraździaleńniami KDB i MUS.
Pracavaŭ u pravaabarončym centry «Asłona».
U 2004 hodzie byŭ davieranaj asobaj Mikałaja Aŭtuchoviča na vybarach u pałatu pradstaŭnikoŭ. Paśla vybaraŭ dva tydni trymaŭ haładoŭku ŭ znak pratestu suprać falsifikacyi vynikaŭ hałasavańnia.
U 2018 hodzie byŭ uznaharodžany miedalom Rady BNR da 100-hodździa abviaščeńnia niezaležnaści Biełaruskaj Narodnaj Respubliki.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary