Pahladzicie, jakija pryhožyja marki vypuściła da 100-hodździa Vasila Bykava Rada BNR FOTAFAKT
Paśla 70-hadovaha pierapynku.
«Maju pryjemnaść paviedamić šanoŭnamu spadarstvu, što Rada BNR paśla 70-hadovaha pierapynku adnaviła tradycyju vypusku paštovych marak, i pieršaja pryśviečana Vasilu Bykavu. Jak viadoma, Rada BNR prapanavała abviaścić 2024-ty hodam Bykava, 100-hodździe jakoha biełarusy adznačać praź niekalki dzion (19 červienia)», — napisaŭ u svaim fejsbuku namieśnik staršyni Rady BNR, žurnalist Siarhiej Navumčyk.
Dyzajn marki zrabiŭ biełaruski mastak, pa siužecie ciapier užo kłasičnaha fotazdymka Uładzimira Karmiłkina.
«Dla vypusku my skarystalisia pasłuhami Češskaj pošty, jakaja drukuje sčepki razam ź dziejnymi znakami paštovaj apłaty Češskaj Respubliki. Zroblenyja dva listy ŭ roznych mižnarodnych litarnych naminałach — jak dla ŭnutranych, hetak i mižnarodnych adpraŭleńniaŭ», — raskazaŭ spadar Navumčyk.
«Akramia taho, abmiežavanym nakładam vypuščanyja dva listy z pavialičanaj vyjavaj marki z partretam Bykava i ź siužetam viadomaj paštoŭki z «Pahoniaj» i vyjavami biełaruskich haradoŭ. Miž inšym, nam udałosia skarystać marku Češskaj pošty ź litaraj V (pry žadańni, možna čytać jak «Vasil», a možna — jak «Bykau»), dzie jość vyjava bieł-čyrvona-biełaha symbalu.
Padobnyja vydańni ŭ sčepkach ź dziejnymi znakami paštovaj apłaty zjaŭlajucca pradmietam fiłatelii, i my pastarajemsia, kab chacia b nievialikaja kolkaść «bykaŭskich» marak patrapiła na terytoryju Biełarusi.
Spadziajemsia, što ŭ volnaj Biełarusi vyjava hetaj marki zjavicca, naprykład, na błoku pošty budučaj volnaj Biełarusi», — dadaŭ jon.
Siarhiej Navumčyk zaznačaje, što apošnim razam Rada BNR vydavała marki ŭ pačatku 1950-ch hadoŭ u Francyi. Tady ź inicyjatyvy Prezidenta Rady BNR Mikoły Abramčyka vypuščanyja dźvie sieryi marak. Aŭtar sieryi z vyjavami prezidentaŭ BNR Piotry Kračeŭskaha i Vasila Zacharki, a taksama Doma Rady BNR, da hetaha času zastajecca nieviadomym. Sieryja z Pahoniaj i mapaj Biełarusi drukavałasia pavodle eskizaŭ Uładzimira Šymanca — baćki Ivonki Surviły.
-
Paźniak prezientavaŭ knihu «Vilenščyna lubimaja i pryŭkrasnaja». Tam jość navat vieršy pa-francuzsku
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary