Pasoł Eryksan: «Ja padazravaŭ, što lublu Biełaruś. Ciapier viedaju heta dakładna»
Na siadzibie «Našaj Nivy» prajšło ŭručeńnie premii «Lublu Biełaruś».
Na siadzibie «Našaj Nivy» prajšło ŭručeńnie premii «Lublu Biełaruś». Jaje zapačatkavali siabry arhanizacyi «Małady front».Płanavałasia, što hanarovaja cyrymonija projdzie ŭ hateli «Kraŭn Płaza» 14 lutaha, ale administracyja haścinicy ŭ apošni momant skasavała damovu na pamiaškańnie.
Pieršuju premiju ŭručali ŭ naminacyi «Zmahar hoda». Jaje zasłužyŭ palitviazień Arciom Dubski, a ŭznaharodu atrymlivała jahonaja maci Alena. Jana zaznačyła, što dla Arcioma heta budzie vialikaja padtrymka. Nahadajem, što 10 lutaha Dubskaha na 15 sutak źmiaścili ŭ štrafny izalatar mahiloŭskaj kałonii.
Łaŭreat premii ŭ naminacyi «Pro‑Belarus» pasoł Šviecyi Stefan Eryksan adrazu pažartavaŭ:
«Ja padazravaŭ, što lublu Biełaruś, a ciapier viedaju heta peŭna». Potym jon uspomniŭ, što viečaram u ramkach Alimpijady ŭ Vankuviery projdzie chakiejny matč pamiž zbornymi Biełarusi i Šviecyi. «Ja navat nie viedaju za kaho baleć. Ale ŭ lubym vypadku pieramohuć našy», — zaznačyŭ S.Eryksan.
Režysior «Svabodnaha teatra» Mikałaj Chalezin ciapier u francuzskim Lijonie, tamu statuetku zamiest jaho atrymlivaŭ Kirył Ilnicki.
«Palitykam hoda» pavodle viersii «Maładoha frontu» staŭ staršynia BNF Alaksiej Janukievič. Łaŭreat zaznačyŭ, što dla jaho heta asabliva pryjemna, bo jon sam vyjšaŭ z hetaj arhanizacyi.
A kampanija «Budźma» atrymała nie tolki statuetku ad «MF», ale taksama karcinu ad mastaka Alesia Puškina. Z karcinaj, što nazyvajecca «Śpiačy dub, što čakaje viasny» Puškin pryjazdžaŭ na vuličnuju akcyju 14 lutaha, ź joj mastaka i zatrymlivali.
Inicyjatar kampanii «Za alternatyŭnuju słužbu» Michaś Paškievič svaju ŭznaharodu ŭžo atrymaŭ. Pryčym, jak zaznačyŭ Ivan Šyła, dvojčy. Pieršy raz na płoščy padčas Akcyi lubovi, a druhi raz ad kamandzira PMSP Alaksandra Łukomskaha.
Fanaty minskaha futbolnaha kłuba «Tarpieda» na ŭznaharodžvańnie nie pryjšli.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary