30 kastryčnika polski ambudsmien Marcin Vioncak zajaviŭ, što situacyja z asnoŭnymi pravami i svabodami ŭ Biełarusi paharšajecca, tamu treba razhledzieć mahčymaść skasavańnia pahadnieńnia ab pravavoj dapamozie pamiž Polščaj i Biełaruśsiu, piša «Biełsat».
Pavodle słoŭ ambudsmiena, ciapier ekstradycyi biełarusaŭ na radzimu vyklikajuć abhruntavanyja zaściarohi, što svabody i pravy ekstradavanaha ŭ Biełarusi mohuć być parušanyja. A heta, u svaju čarhu, parušaje raździeł 2 Chartyi ES ab asnoŭnych pravach i art. 3 Kanviencyi ab abaronie pravoŭ čałavieka i asnoŭnych svabod, jakija padpisała Polšča.
«Tamu nieabchodna razhledzieć pytańnie ab tym, ci varta skasavać pahadnieńnie pamiž Polščaj i Respublikaj Biełaruś ab pravavoj dapamozie, chacia b u śfiery kryminalnych spraŭ», — havoryć Marcin Vioncak.
Pahadnieńnie 1994 hoda pamiž Polščaj i Biełaruśsiu ab pravavoj dapamozie i pravavych adnosinach pa hramadzianskich, siamiejnych, pracoŭnych i kryminalnych spravach, dziejničaje da 2025 hoda, ale represii, jakija adbyvajucca ŭ Biełarusi, «dyskvalifikujuć biełaruskich uładaŭ jak raŭnapraŭnaha partniora ŭ adnosinach z Polščaj».
«Praktyka apošnich hadoŭ pakazvaje, što mižnarodnaje supracoŭnictva ź Biełaruśsiu stanovicca ŭsio bolš ryzykoŭnym. Tamu nieabchodna razhledzieć pytańnie ab tym, ci varta Polščy skasavać pahadnieńnie, chacia b u śfiery jurydyčnaj dapamohi pa kryminalnych spravach. Zhodna z art. 107 damovy ab jaho skasavańni, heta mahčyma kožnyja 5 hadoŭ praz apaviaščeńnie, jakoje padajecca za šeść miesiacaŭ», — prapanuje ambudsmien.
Kazachstan vydaść Biełarusi hramadzianina Kyrhyzstana, jaki abvinavačvajecca ŭ zabojstvie
Palituciekača vyklikali ŭ polskuju prakuraturu pa zapycie Biełarusi. Što adbyvajecca?
Jašče adzin biełarus, jakomu pahražała ekstradycyja na radzimu, atrymaŭ status uciekača ŭ Armienii
Ź Biełarusi ŭ Turcyju ekstradziravali mužčynu, jakoha šukali za zabojstva
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?3
Kamientary