CVK Biełarusi pryniaŭ dakumienty ab rehistracyi inicyjatyŭnaj hrupy hramadzian pa zbory podpisaŭ vybarščykaŭ u padtrymku vyłučeńnia Siarhieja Bobrykava.
Siarhiej Bobrykaŭ — były kiraŭnik Vajskovaj akademii, siońnia — staršynia Biełaruskaha sajuza aficeraŭ.
Jon naradziŭsia 15 krasavika 1962 hoda ŭ Lepieli. Skončyŭ Kałomienskaje vyšejšaje artyleryjskaje kamandnaje vučylišča(1983), Vajskovuju artyleryjskuju akademiju imia Kalinina (1993) i Vajskovuju akademiju Hienieralnaha štaba Rasii (2005).
Bobrykaŭ siarod inšaha byŭ namieśnikam načalnika Hałoŭnaha štaba suchaputnych vojskaŭ, načalnikam 72-ha hvardziejskaha abjadnanaha navučalnaha centra padrychtoŭki praparščykaŭ i małodšych śpiecyjalistaŭ u Piečach. Vosiem hadoŭ byŭ načalnikam Vajskovaj akademii.
Žyvie ŭ Smalavickim rajonie. Žanaty, maje syna i dačku. Apošniaja pajšła pa śladach baćki — u vajskovuju śfieru.
Takim čynam dakumienty na rehistracyju inicyjatyŭnych hrup pa zbory podpisaŭ padali hrupy Alaksandra Łukašenki, kiraŭnika Libieralna-demakratyčnaj partyi Aleha Hajdukieviča, staršyni Biełaruskaj partyi pracy i spraviadlivaści Alaksandra Chižniaka, hałoŭnaha ideołaha Minska, ad Biełaruskaha sajuza žančyn Volhi Čamadanavaj, eks-deputata Hanny Kanapackaj.
U aŭtorak na svaim pasiadžeńni CVK adchiliŭ zajaŭki Alaksandra Drazdova i Juryja Hubareviča.
Apošni dzień padačy zajavak — zaŭtra.
Z 7 listapada startuje zbor podpisaŭ.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary