Biełaruski dalnabojščyk dvojčy sprabavaŭ dać chabar polskim palicejskim. Jamu pahražaje da 10 hadoŭ
Pad polskim horadam Łomža palicyja spyniła furu, jakaja značna pieravysiła chutkaść.
Za rulom byŭ 60-hadovy hramadzianin Biełarusi, jaki nastolki nie chacieŭ płacić štraf, što dvojčy sprabavaŭ dać palicejskim chabar. Ciapier pakarańnie budzie strohim. Ab nastojlivym parušalniku raspaviali ŭ palicyi Łomžy, piša Most.
Incydent adbyŭsia 23 studzienia. Hruzavy aŭtamabil Ѕsapia jechaŭ pa abjaznoj darozie z chutkaściu 81 kiłamietr u hadzinu pry dazvolenych u hetym miescy 50 kiłamietrach u hadzinu. Za takoje parušeńnie supracoŭniki transpartnaj palicyi vyrašyli vypisać mužčynu štraf u pamiery 800 złotych, a taksama dać dzieviać štrafnych bałaŭ. Ale pačuŭšy pra heta, jon prapanavaŭ palicejskim chabar.
Tyja patłumačyli, što heta złačynstva, i paviedamili, što apłacić treba mienavita štraf — najaŭnymi abo kartaj, a ŭ vypadku admovy jany nakirujuć u sud chadajnictva ab nakładańni pakarańnia. Tady biełarus dastaŭ 400 złotych (100 dalaraŭ) i skazaŭ supracoŭniku štraf nie vypisvać.
Paśla hetaha palicyjanty zatrymali mužčynu za sprobu dačy chabaru. Ciapier jon paŭstanie pierad sudom. Za daču chabaru ŭ Polščy moža pahražać da 10 hadoŭ pazbaŭleńnia voli.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami4
Kamientary