27 lutaha pravaabaroncy pryznali palitviaźniami jašče 6 čałaviek. Ahulnaja kolkaść ludziej, jakija na siońnia pryznanyja ŭ Biełarusi palitviaźniami, składaje 1232 čałavieki.
U śpis palitźniavolenych byli dadadzienyja nastupnyja proźviščy:
Jaŭhien Bojka, Alaksandr Kraŭčuk, Palina Pitkievič, Arciom Palakoŭ, Vadzim Sienčanka, Maksim Bielčanka.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 1232 čałavieki. Apošnim časam ahulnaja ich kolkaść istotna nie raście i navat časam źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Niekatorych vyzvalajuć i pa pamiłavańniach, choć na ich miesca niaspynna nabirajuć novych viaźniaŭ. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ bolšaja. Pra niekatorych pravaabaroncam prosta ničoha nie viadoma.
Lidskaha ksiandza Malca zatrymali paśla pravierki na miažy
Biznesmiena z Hrodzienščyny buduć sudzić za palityku. Apošniaje, što jon apublikavaŭ — videa z adpačynku ŭ Hruzii
Maładuju minčanku, jakaja zajmałasia alternatyŭnaj miedycynaj, asudzili pa troch palityčnych artykułach. Imaviernaja pryčyna — kamientary ŭ telehramie
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?6
Kamientary