Na adnoj sa stancyj minskaha mietro zatapiła padziemny pierachod VIDEA
U Minsku na stancyi mietro «Malinaŭka» ranicaj 14 lutaha padtapiła padziemny pierachod. Na heta źviarnuli ŭvahu karystalniki sacsietak.
Na videa, jakoje apublikavaŭ adzin ź vidavočcaŭ, bačna, što vadoj zaliło nižniuju častku pierachodu, a taksama častku prystupak. Vierahodna, vada naźbirałasia praz paciapleńnie i plusavuju tempieraturu, što niadaŭna ŭstanaviłasia ŭ krainie.
U kamientarach ludzi pastavilisia da situacyi z humaram. Chtości žartuje, što «tralejbusy stajać, vada ŭ mietro — daviadziecca pierasoŭvacca pa pavietry», inšyja nazyvajuć stancyju «paŭdniova-zachodniaj Vieniecyjaj» abo pišuć pra «mora Hieradota», jakoje nibyta pratočvajecca ŭ Minsk.
Nastupstvy padtapleńnia chutka likvidavali: ciapier stancyja pracuje ŭ zvyčajnym režymie, a trapić u mietro možna bieź pieraškod. Minski mietrapaliten aficyjnych tłumačeńniaŭ pa situacyi nie davaŭ.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary