U adzinuju biełaruskamoŭnuju hrupu sadka ŭ Biełastoku zapisalisia tolki šeść dziaciej
U Biełastoku padviali papiarednija vyniki rekrutacyi ŭ haradskija dziciačyja sadki.
Dla sadka Przedszkole Samorządowe №14 vyniki naboru akazalisia značna nižejšyja, čym čakałasia, paviedamlaje Radyjo Racyja.
Pakul u biełaruskamoŭnuju hrupu zapisalisia tolki šeść dziaciej. Dyrektarka sadka Hanna Smyk-Kojła kaža, što situacyja vyklikaje vialikuju tryvohu, bo ad kolkaści dziaciej zaležyć budučynia ŭsioj ustanovy:
— Na pieršym etapie naboru ŭdałosia pryniać 19 asob. Heta nievialikaja hrupa, ale mahčyma jana budzie dadavacca. Na momant naboru my mieli 52 miescy, u biełaruskuju hrupu zapisałasia tolki 6 asob roznaha ŭzrostu z tych 19-ci. Horad nie prymie rašeńnia ab likvidacyi z-za niedastatkovaha naboru dziaciej, ale ŭsio moža być.
Sadok Przedszkole Samorządowe №14 (Sadok municypalny) — adziny municypalny sadok u Biełastoku, dzie dziejničajuć hrupy ź biełaruskaj movaj navučańnia. Mienavita tamu, pa słovach dyrektarki, vyniki sioletniaj rekrutacyi mohuć stać vyznačalnymi dla jaho dalejšaha losu.
Kamientary
Adkaz na svajo pytańnie i sami možacie dać. Jak varyjanty - biełaruskaja mova hrošaj nie pryniasie, nie mova ŭłady, nie vartaja pavahi (kałhasnaja), nie raspaŭsiudžanaja ŭ vašym asiarodździ, nie mova vašaj relehijnaj kanfiesii - niama ŭ joj sensu dla takich jak vy.