Pavodle infarmacyi francuzskaha vydańnia RFI, Ukraina naładziła supracoŭnictva ź mižnarodna pryznanym uradam Livii ŭ Trypali i raźmiaściła tam svaich vajskovych śpiecyjalistaŭ. Heta dazvalaje joj upłyvać na situacyju ŭ Mižziemnym mory i stvarać pahrozu rasijskim karablam, jakija ruchajucca ŭ bok Sueckaha kanała.
Paviedamlajecca, što ŭ Livii znachodziacca bolš za 200 ukrainskich vajskoŭcaŭ i ekśpiertaŭ. Jany pracujuć na troch asnoŭnych abjektach. Adzin ź ich — avijabaza ŭ Misracie, dzie taksama prysutničajuć siły inšych krain. Druhi abjekt raźmieščany kala Mielity — tam stvorana baza dla zapusku pavietranych i marskich bieśpiłotnikaŭ. Treci punkt vykarystoŭvajecca dla kaardynacyi sumiesnaj pracy ŭkrainskich śpiecyjalistaŭ z zachodnielivijskimi vajskoŭcami kala aeraporta Trypali.
Takoje supracoŭnictva stała mahčymym paśla pahadnieńnia, padpisanaha ŭ kastryčniku 2025 hoda. U jaho miežach Ukraina dapamahaje rychtavać livijskich vajskoŭcaŭ i pastaŭlaje bieśpiłotnyja sistemy.
Krynicy francuzskaha vydańnia śćviardžajuć, što ŭžo adbylisia dźvie ataki na rasijskija sudny ŭ Mižziemnym mory. Miesiac tamu, u pačatku sakavika byŭ paškodžany hazavoz, jaki pieravoziŭ zvadkavany haz, a jašče raniej, u śniežni 2025 hoda — tankier. U abodvuch vypadkach vykarystoŭvalisia marskija bieśpiłotniki, zapuščanyja z terytoryi Livii.
Raniej Rasija abvinavačvała ŭłady ŭ Trypali ŭ padtrymcy ŭkrainskaha boku i supracoŭnictvie z zachodnimi śpiecsłužbami. U samoj Livii taksama jość zaniepakojenaść rostam zamiežnaj vajskovaj prysutnaści, bo niekatoryja palityki ličać heta pahrozaj suvierenitetu krainy i mahčymaj pryčynaj novaha hieapalityčnaha kanfliktu.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary