U Biełarusi źjaviŭsia pieršy robat-pradaviec pad nazvaj Cikavik. Jon pačaŭ pracavać na aŭtazapraŭcy ŭ vioscy Jaromina Homielskaha rajona, paviedamiła pres-słužba «Biełarusnafty».
Hety robat całkam aŭtamatyzuje praces pakupki: sam prymaje zakaz, znachodzić patrebny tavar i vydaje jaho klijentu. U asartymiencie jość šmat roznych rečaŭ — ad žavalnaj humki da vialikich kanistraŭ z abmyvalnaj vadkaściu.
Prajekt stvaryli razam niekalki arhanizacyj, i na jaho realizacyju spatrebiŭsia prykładna hod. Za hety čas zvyčajny handlovy paviljon pieraabstalavali pad robata i padzialili na dźvie častki — dla klijentaŭ i dla techničnaha absłuhoŭvańnia.
Zaraz Cikavik pracuje kruhłasutačna i znachodzicca na etapie pravierki. Śpiecyjalisty hladziać, nakolki jon chutki, zručny i jak na jaho reahujuć ludzi. Kali vyniki buduć dobryja, takija robaty mohuć źjavicca i na inšych zapraŭkach.
Kamientary