Niepahadź razyhrałasia ŭ Mścisłavie, hradziny tut dasiahali kala 32 milimietraŭ u dyjamietry, paviedamlaje telehram-kanał «Mietieovajb».
Sinoptyki adnieśli hetaje źjavišča da čyrvonaha ŭzroŭniu niebiaśpieki, što aznačaje pavyšanuju ryzyku dla ludziej, transpartu i infrastruktury.
Dla Biełarusi až nastolki bujny hrad — davoli redkaja źjava. Jak paviedamlajuć u «Mahiloŭabłhidramiecie», zvyčajny pamier hradu ŭ krainie składaje kala 5—6 milimietraŭ. Hrad, jaki pieravyšaje 2 santymietry, ličycca asabliva niebiaśpiečnym i ŭ adnym miescy zdarajecca prykładna raz na 40—50 hadoŭ.
Pry hetym adznačajecca, što da absalutnaha rekordu Biełarusi ciapierašniaje zdareńnie dalokaje. Samy bujny hrad, zafiksavany ŭ krainie, byŭ adznačany 11 lipienia 1953 hoda ŭ Brasłaŭskim rajonie. Tady hradziny dasiahali 8—10 santymietraŭ u dyjamietry — heta paraŭnalna z pamieram kurynaha jajka.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary